دنیا کا سب سے خطرناک جانور کون سا ہے؟

اگر تو آپ کو شیر٬ شارک یا سانپ وغیرہ سے ڈر لگتا ہے اور آپ ان کے قریب سے گزرنا بھی نہیں چاہتے تو ہم آپ کو بتاتے چلیں کہ یہ جانور ہم انسانوں کے لیے بہت زیادہ خطرناک نہیں٬ درحقیقت یہ بڑے جانور تو کچھ بھی نہیں چھوٹے چھوٹے کیڑے ہم انسانوں کے سب سے بڑے قاتل ہیں-

یہ حیرت انگیز اور دل دہلا دینے والا انکشاف ایک نئی رپورٹ میں کیا گیا ہے-
 

آپ کو یہ جان کر شدید حیرت ہوگی کہ دنیا کا سب سے خطرناک جانور مچھر ہے جس کے کاٹنے کے باعث ہر سال 7 لاکھ افراد اپنی زندگی سے ہاتھ دھو بیٹھتے ہیں-

آپ ایک اور دھچکا سہنے کے لیے تیار رہیے کہ دنیا کا دوسرا خطرناک ترین جانور خود انسان ہے جو ہر سال 4 لاکھ 75 ہزار انسانوں کو مار ڈالتا ہے جبکہ اس کے برعکس سانپ کے ڈنک سے سالانہ 50 ہزار افراد متاثر ہوتے ہیں-

چوتھا نمبر کتوں کا ہے جن کے کاٹنے کے سبب ہر سال 25 ہزار ہلاکتیں واقع ہوتی ہیں اور افریقی مکھیوں کے ڈنک٬ گھونگھے اور Assassin Bug ہر سال 10 ہزار افراد کی موت کا باعث بنتے ہیں-

کیچوؤں کا شکار ڈھائی ہزار افراد جبکہ پیٹ کے کیڑے 2 ہزار افراد کو اپنا شکار بنانے میں کامیاب ہوتے ہیں-

بظاہر خوفناک دکھائی دینے والے جانور جن میں سرفہرست مگرمچھ ہیں ایک سال میں ایک ہزار انسانوں کو اپنا نوالہ بناتے ہیں اور دوسری جانب دریائی گھوڑوں کی ٹکر سے 500 افراد ہلاک ہوجاتے ہیں-
 

شیر اور ہاتھی سو٬ سو افراد کی ہلاکت کا سبب بنتے ہیں اور بھیڑیوں اور شارک بھی 10 انسانوں کو شکار کر ہی لیتی ہیں-

دنیا کے ان 15 خطرناک ترین جانوروں کی فہرست بل گیٹس کی مرتب کردہ ہے-