مریخ پر زندگی کیسی ہوگی؟

ہم زمین پر وقت گزار رہے ہیں جبکہ سائنسدان انسانوں کو مریخ پر بسانے کا سوچ رہے ہیں اور حال ہی میں کچھ ایسی خبریں بھی سامنے آئی ہیں جن کے مطابق مریخ پر اراضی کی فروخت بھی شروع ہوچکی ہے- لیکن کیا کبھی آپ نے سوچا ہے کہ مریخ پر زندگی ہوگی کیسی؟ اگر نہیں تو پھر آپ کو بتاتے ہیں جن سائنسدانوں کے بارے میں جنہوں نے تجربے کے لیے امریکہ کے ایک صحرا میں مریخ کا مصنوعی ماحول تخلیق کیا-
 

مریخ پر زندگی
سائنسدانوں کی یہ ٹیم مریخ پر زندگی کی عکاسی کے لیے زمین پر موجود اس چٹانی صحرا میں خلائی لباس پہن کر گھومتی ہے-

سائنسدانوں کی رہائش گاہ
مریخ سوسائٹی کے یہ محققین اس مصنوعی Martian base میں رہتے ہیں جو کہ امریکی خلائی ایجنسی ناسا کی مدد سے تعمیر کیا گیا ہے-

سائنسدانوں کی ٹیم
سائنسدانوں کی یہ ٹیم چار مردوں اور دو خواتین پر مشتمل ہے- اور یہ پابند ہیں کہ جب بھی اپنے ریسرچ اسٹیشن سے باہر جائیں تو لازماً ائیر لاک ہیلمٹ کا استعمال کریں- اس مقام پر ان کی زندگی کا دارومدار صرف غذا اور تحقیقاتی تجربات پر ہے- اور یہ تین دن صرف ایک مرتبہ نہاتے ہیں-

مریخ سے مشابہت رکھتا ماحول
ان سائنسدانوں کا دو منزلہ اسٹیشن Utah میں واقع Hanksville سے 40 میل کے فاصلے پر واقع ہے- اور یہ سائنسدان اس اسٹیشن میں موجود انتہائی چھوٹے اور تابوت نما بیڈ میں سوتے ہیں- اس اسٹیشن کے اردگر کا ماحولیاتی اور ارضیاتی حالات مریخ سے مشابہت رکھتے ہیں جہاں گرم ہوا اور سرخ اور پتھریلی چٹانیں موجود ہیں-

باہر کی دنیا سے رابطہ
ان سائنسدانوں کا باہر کی دنیا سے رابطہ انتہائی محدود ہے- ان کو فراہم کیے گئے انٹرنیٹ کنکشن کی رفتار انتہائی سست ہے اور انہیں صرف چند ای میل کرنے کی اجازت ہے- سب سے زیادہ بات چیت “ مشن کنٹرول “ کے ساتھ ہوئی جنہوں نے اس عملے کے اس مقام پر گزارے جانے والے گزشتہ دو ہفتوں کی رپورٹ طلب کی- اس رپورٹ میں زندگی کے ہر پہلو کو مدِنظر رکھا گیا- ان تفصیلات میں اس عملہ خوراک کھانا٬ ورزش کرنا اور نفسیاتی حیثیت شامل ہے-

سفر کے لیے گاڑی
یہ ٹیم علاقے میں سفر کے لیے ایک خاص قسم کی گاڑی استعمال کرتی ہے- ان کے راستوں میں انتہائی گندگی اور پتھر موجود ہوتے ہیں جبکہ ان کی گاڑی کی رفتار 5 میل فی گھنٹہ ( 8 کلومیٹر فی گھنٹہ ) ہوتی ہے-

مشن کمانڈر
اس مشن کی کمانڈر 27 سالہ Lara Vimercati ہیں جو کہ ناسا میں ماہر حیاتیات کے طور تر کام کرتی ہیں- لارا کا کہنا ہے کہ “ہمیں اپنے سینٹر سے باہر جانے پر لازمی مکمل خلائی لباس پہننا ہوتا ہے اور ہمیں روز وہ تمام کام ضرور کرنے ہوتے ہیں جو ہمیں کسی دوسرے سیارے پر ہونے کی صورت میں کرنے پڑتے- مریخ پر جانے والا پہلا شخص کوئی انجینئیر ہی ہوگا- لیکن میں حیاتیات کی ماہر ہوں ممکن ہے کہ مجھے یہ موقع مل جائے“-

مریخ پر جانے والی پہلی فلائٹ
یہاں پسِ منظر میں تمام سائنسی مناظر تخلیق کیے گئے اور تجرباتی طور پر دو ہفتے بھی اس مقام پر گزارے گئے لیکن یہ سب کچھ اس بات کی قطعی ضمانت نہیں ہے کہ یہی وہ لوگ ہوں گے جو مریخ پر جانے والی پہلی فلائٹ میں سوار ہوں گے-

تفریح سے بھرپور
عملے کے ایک اور ممبر کا کہنا تھا کہ“ یہ سب کچھ مزے سے بھرپور ہے- آپ کسی مقام سے میلوں دور ہوں اور خلائی لباس پہن کر ایسا دکھا رہے ہوں کہ جیسے آپ کسی دوسرے سیارے پر ہیں٬ تو کون اس سے لطف اندوز نہیں ہوگا- یہ ایسا ہی جیسے بچپن کا کوئی خواب سچ ہوگیا ہو“-