رشتوں میں مضبوطی صرف چند اصولوں کی دوری پر

معاشرے میں لوگوں کے آپس کے تعلقات اور باہمی روابط کو رشتوں کا نام دیا جاتا ہے۔ رشتوں میں اگر مضبوطی اور پختگی ہو تو یہ ایک دوسرے پر اعتماد و اعتبار میں اضافہ بھی ہوتا ہے- لیکن سوال یہ اٹھتا ہے ان رشتوں میں مضبوطی کیسے لائی جائے؟ تو یہ بھی کوئی مشکل کام نہیں٬ صرف چند اصولوں کو اپنا کر آپ رشتوں میں مضبوطی لا سکتے ہیں-
 

خود رائے قائم کریں
لوگوں سے پرجوش انداز میں اور کھلے دل سے ملیں اور اس کے بعد ان کے بارے میں خود رائے قائم کریں٬ کسی کی بات پر اعتبار کر کے رائے قائم نہ کریں-

چہرے پر مسکراہٹ
لوگوں سے مسکرا کر ملیے اور جہاں تک ممکن ہوسکے اس مسکراہٹ کو اپنی آنکھوں اور آواز سے بھی ظاہر کیجیے-

مکمل نام سے پکاریں
کسی شخص سے ملتے وقت اسے انتہائی احترام کے ساتھ اس کے مکمل نام سے پکاریں اور بات کے اختتام پر شکریہ ضرور ادا کریں-

شکر گزار بنیں
لوگوں کی خوبیوں پر توجہ دیں اور خامیوں کو نظر انداز کریں٬ ان کے احسانات پر شکر گزار بوں-

مدد کریں
آپ کے لیے جہاں تک ممکن ہو لوگوں کے کام آئیں اور ان کی مدد کرنے کی کوشش کیا کریں- یہاں تک کہ ہوسکے تو چیزوں کا استعمال بھی مل بانٹ کر کریں-

بہترین اخلاق
جب بھی کسی سے ملیں تو خوش اخلاقی کے ساتھ ساتھ ایمانداری اور مہربانی سے پیش آئیں-

تحمل مزاج بنیں
کسی کی بھی نادانستہ یا دانستہ کی گئی غلطی پر خود کو غصے میں آنے سے محفوظ رکھیں- اپنے رویے میں تحمل مزاجی اور برداشت پیدا کریں- تحمل مزاجی رشتوں کی مضبوطی میں اہم کردار ادا کرتی ہے-

لوگوں سے محبت
جہاں آپ اپنی ذات سے محبت کرتے ہیں وہیں ضروری ہے کہ آپ اپنے اردگرد موجود لوگوں سے بھی محبت کریں اور ان سے عقیدت و احترام سے پیش آئیں-

وعدے پورے کریں
جو بھی وعدہ کریں یا پھر جو بھی ذمہ داری اٹھائیں اسے انتہائی مؤثر انداز میں پورا کرنے کوشش کریں- اس طرح لوگوں کا آپ پر اعتماد بڑھے گا-