افریقہ: خونی جھیل اور بجلی کا حصول

جھیل Kivu افریقہ کی سب سے بڑی جھیلوں میں سے ایک ہے جو کہ کانگو اور روانڈا کی سرحدوں کے درمیان میں واقع ہے- 2700 کلومیٹر کے طویل رقبے پر پھیلی یہ ایک میٹھے پانی کی جھیل ہے اور دیکھنے میں انتہائی پرسکون معلوم ہوتی ہے-

لیکن حقیقت یہ ہے کہ اس جھیل کی تہہ میں مہلک ترین گیسوں میتھین اور کاربن ڈائی آکسائیڈ کی وسیع ذخائر موجود ہیں- ان ذخائر سے جھیل کے اردگر رہائش پذیر بیس لاکھ افراد پر مشتمل افراد کی جانوں کو بھی خطرہ لاحق ہے-
 

یہ گیسیں کبھی بھی زمین کی سطح پر پہنچ کر اتنی بڑی آبادی کو باآسانی موت کا شکار بنا سکتی ہیں-

لیکن اب ایک ایسی منصوبہ بندی کی جارہی ہے جس سے نہ صرف یہاں موجود زندگیوں کو بچایا جاسکے گا بلکہ یہ منصوبہ منافع کا ذریعہ بھی بن جائے گا-

منصوبہ بندی کے مطابق یہاں ایسے پمپ نصب کیے جائیں گے جو جھیل سے اضافی گیس کو توانائی کے لیے نکالیں گے اور اس سے بننے والی بجلی روانڈا کے رہائشیوں کی بجلی کی حالیہ طلب سے تقریباً دگنی ہوگی-

اس طرح توانائی کی حصول کے ساتھ ساتھ گیسوں کے ذریعے آنے والی ممکنہ تباہی کے خدشات میں بھی کمی واقع ہوجائے گی-