|
پاکستان گزشتہ چند سالوں سے متعدد بحرانوں کا شکار ہے اور
اس وقت دہشتگردی اور دیگر پرتشدد واقعات پاکستان کا سب سے بڑا مسئلہ ہیں-
اب اسے صرف گزشتہ سال ہونے والی دہشت گردی اور پرتشدد واقعات کے باعث تشدد
سے متاثرہ ممالک کی فہرست میں دنیا کا نواں بدترین ملک قرار دیدیا گیا ہے۔
|
|
|
|
یہ منفی اعزاز پاکستان کو گلوبل پیس انڈیکس کی سالانہ فہرست میں حاصل ہوا
جس میں امن و امان کے حوالے سے 162 بہترین اور بدترین ممالک کی درجہ بندی
کی گئی۔
گلوبل پیس انڈیکس نے اس درجہ بندی کے لیے ہر ملک کی دہشتگردانہ سرگرمیاں،
داخلی و بیرونی تنازعات، بے گھر افراد کی تعداد، سیاسی تشدد، قتل کے واقعات
اور مسلح سیکیورٹی اہلکاروں کی تعداد سمیت بائیس کیٹیگریز کے مدنظر رکھا ہے-
گلوبل پیس انڈیکس کی فہرست کے مطابق آئس لینڈ نے دنیا کے سب سے پرامن ملک
کا اعزاز اپنے نام کیا۔
آئس لینڈ کے بعد دوسرا پرامن ترین ملک ڈنمارک رہا جس کے بعد آسٹریا تیسرے،
نیوزی لینڈ چوتھے، سوئٹزرلینڈ پانچویں، فن لینڈ چھٹے، کینیڈا ساتویں، جاپان
آٹھویں، بیلجئیم نویں اور ناروے تشدد سے پاک دس واں بہترین ملک رہا۔
|
|
|
اس فہرست میں شام سب سے بدترین ملک قرار پایا، جبکہ افغانستان دوسرے، جنوبی
سوڈان تیسرے، عراق چوتھے، صومالیہ پانچویں، سوڈان چھٹے، جمہوریہ وسطی
افریقہ ساتویں، ڈیموکریٹک ریپبلک کانگو آٹھویں اور شمالی کوریا دسویں نمبر
پر رہا۔ |