|
کروبیرا غار کو (Krubera Cave) کو Voronya غار کے نام سے
بھی جانا جاتا ہے اور اسے دنیا کی سب سے گہری ترین غار ہونے کا اعزاز حاصل
ہے-
یہ غار Arabika Massif نامی ایک پہاڑ میں واقع ہے جو کہ جارجیا کے خطے
مغربی کاکیشیائی سب سے بلند چونے پتھر کا پہاڑ ہے-
|
|
|
|
یہ پہاڑ سینکڑوں غاروں پر مشتمل ہے اور یہ غاریں اس وقت وجود میں آنا شروع
ہوئی تھیں جب 5 ملین سال قبل پہاڑوں میں اضافہ ہونا شروع ہوا تھا-
ان سینکڑوں غاروں میں سے پانچ غاریں ایسی ہیں جو کہ 1000 میٹر تک گہری ہیں
جبکہ کروبیرا ایک ایسی غار ہے جس کی گہرائی 2197 میٹر ہے اور اسے دنیا کی
گہری ترین غار کے طور پر جانا جاتا ہے-
کروبیرا غار 16058 میٹر طویل غار ہے اور اس کے زیادہ تر حصے گہرائی پر
مشتمل ہیں- اس میں عمودی کنویں ہیں جو کہ مختلف راستوں سے جڑے ہوئے ہیں-
|
|
|
اس غار کا آغاز پہاڑوں کے اندر انتہائی بلندی سے ہوتا ہے جو کہ 2256 میٹر
بنتی ہے اور اس کا داخلی راستہ انتہائی تنگ اور دشوار گزار ہے-
غار کے اکثر مقامات کے تنگ ہونے کی وجہ سے محفوظ راستہ حاصل کرنے کے لیے ان
مقامات پر کھدائی کرنی پڑتی ہے جبکہ دیگر مقامات پر موجود راستے اتنے بڑے
ہیں کہ جیسے سب وے سرنگیں-
غار میں 200 میٹر کی گہرائی میں جانے کے بعد یہ غار دو بنیادی حصوں یا
شاخوں میں تقسیم ہوجاتا ہے- اور پھر 1300 میٹر کی گہرائی میں جانے کے بعد
غار مزید متعدد حصوں میں تقسیم ہوجاتا ہے-
|
|
|
غاروں کا مطالعہ کرنے والے ماہرین نے جب اس غار پر تحقیق کا آغاز کیا تو
انہیں سب سے زیادہ مشکل کا سامنا سیلابی سرنگوں کے باعث کرنا پڑا- ان
سرنگوں کو "sumps" کہا جاتا ہے- ان سرنگوں میں سے ایک سرنگ کی گہرائی 52
میٹر تک تھی-
اس لیے ماہرین کو ان گہری اور پانی سے بھرپور سرنگوں سے گزرنے کے لیے سکوبا
گئیر کا استعمال کرنا پڑا-
یہ غار اب مختلف ممالک کے مہم جوئی کا شوق رکھنے والے افراد کے لیے انتہائی
مقبول ترین مقام کا درجہ حاصل کر چکی ہے- |