پاکستانی کمانڈو دنیا کی بہترین فورسز میں شامل

دنیا کے تقریباً تمام ممالک اپنی آرمی میں ایک اسپیشل آپریشن فورس رکھتے ہیں جو کہ کسی بھی غیر معمولی صورتحال یا خطرے سے نمٹنے کے لیے اپنی خدمات سرانجام دیتی ہیں- ایسی ہی ایک اسپیشل آپریشن فورس پاکستان بھی رکھتا ہے جسے اسپیشل سروس گروپ ( ایس ایس جی ) کے نام سے جانا جاتا ہے-

حال ہی میں پاکستان کی اسپیشل فورس کو یہ اعزاز حاصل ہوا ہے کہ اسے دنیا کی دس بہترین اسپیشل فورسز کی فہرست میں شامل کیا گیا- یہ فہرست دنیا بھر کی مسلح افواج میں معتبر سمجھے جانے والے جریدے آرمڈ فورسز ہسٹری میوزیم نے مرتب کی ہے-

فہرست کے مطابق پاکستان کا یہ اسپیشل سروسز گروپ نویں نمبر پر ہے جبکہ اس کا روایتی حریف ہندوستان ٹاپ ٹین میں بھی شامل نہیں۔

پاکستان کی اس فورس کو یہ اعزاز دس خصوصیات کی بنا پر حاصل ہوا جس میں سپیشل آپریشنز، غیر روایتی حربی صلاحیت، فارن انٹرنل ڈیفینس، براہ راست ایکشن، مغویوں کو بازیاب کرانا، دہشتگردوں کے خلاف کارروائی اور خصوصی دیکھ بھال سمیت دیگر شامل ہیں۔

جریدے کی شائع کردہ اس فہرست کے مطابق دنیا کی سب سے بہترین فورس برٹش ایس اے ایس ہے جبکہ دوسرا نمبر امریکی نیوی سیل ٹیم سکس کو حاصل ہے اور دنیا کی تیسری بہترین فورس یو ایس آرمی ڈیلٹا فورس ہے-

فہرست کے مطابق اسرائیلی شیاٹی 13 چوتھے، جرمن جی ایس جی 9 پانچویں، پولش گروم چھٹے، فرنچ آرمی سپیل فورسز بریگیئڈ ساتویں، آسٹریا ایکو کوبرا آٹھویں، پاکستان نویں اور رشین اسپیٹسناز دسویں نمبر پر موجود ہے۔

< Previous دنیا کے چند سب سے بڑے محل NEXT > دنیا کا کم عمر ترین مئیر اقتدار سے محروم