|
تصور کیجیے کہ آپ سفر میں ہوں اور آپ کے موبائل کی بیٹری
کی چارجنگ ختم ہونے لگے اور آپ کے پاس موبائل چارج کرنے کا کوئی ذریعہ بھی
نہ ہو توایسے میں آپ کا پسینہ ہی آپ کے موبائل کی بیٹری کو چارج کردے تو
کیسا رہے گا؟
یہ کوئی خیالی بات نہیں بلکہ حقیقت ہے کیونکہ کیلیفورنیا یونیورسٹی کے
سائنسدان ایک ایسا چھوٹا اور عارضی ٹیٹو بنانے میں کامیاب ہوچکے ہیں جو
ہمارے جسم کے پسینے سے ہی بجلی پیدا کرنے کی صلاحیت رکھتا ہے-
|
|
|
|
پسینے سے حاصل کی جانے والی بجلی اتنی ضرور ہوگی کہ اس سے کم سے کم ایک
چھوٹی بیٹری چارج کی جاسکے البتہ اس وقت سائنسدان وہ ذریعہ تلاش کر رہے ہیں
جس کی مدد سے یہ بجلی اسمارٹ فونز کو چارج کرسکے-
ماہرین کی ایجاد کردہ یہ چھوٹی سی ڈیوائس ہمارے پسینے میں پائی جانے والی
نمکیات پر اپنا ردعمل ظاہر کرتے ہوئے اسے توانائی میں تبدیل کردیتی ہے-
|
|
|
ماہرین کا کہنا ہے کہ جتنی زیادہ ورزش کی جاتی ہے پسینے سے اتنے زیادہ
نمکیات کا اخراج ہوتا ہے جسے اس ڈیوائس کی مدد سے بجلی پیدا کرنے کے لیے
استعمال کیا جاسکتا ہے-
اس طرح اس ڈیوائس کو استعمال کرنے والا جسمانی طور پر جتنا زیادہ سرگرم
ہوگا اتنا ہی حاصل ہونے والی بجلی میں اضافہ ہوتا چلا جائے گا- |