آئس بکٹ چیلنج کیا ہے؟ مشہور شخصیات بھی شامل

آج کل آپ کو سوشل میڈیا اور مختلف نیوز ویب سائٹس پر جابجا ایسی تصاویر اور ویڈیو دکھائی دے رہی ہوں گی جس میں لوگ ٹھنڈے یخ پانی سے بھری بالٹی خود پر الٹ لیتے ہیں- بظاہر تو یہ ایک بے وقوفی معلوم ہوتی ہے لیکن حقیقت میں یہ سب کچھ ایک بامقصد مہم کا حصہ ہے- اور یہ تمام افراد جو اپنے اوپر یخ پانی الٹتے دکھائی دیتے ہیں دراصل ایک غیر منافع بخش تنظیم کے لیے عطیات جمع کرنے کی اس مہم میں حصہ لے رہے ہیں۔ یہ مہم اے ایل ایس نامی بیماری کے لیے چلائی جارہی ہے-

اس بیماری میں انسانی اعصابی نظام میں خرابی پیدا ہوتی ہے، جس کی وجہ سے دماغ اور ریڑھ کی ہڈی کے خلیات متاثر ہوتے ہیں۔ 29 جولائی سے جاری اس مہم میں اب تک ہزاروں افراد حصہ لے چکے ہیں جن میں لاتعداد معروف شخصیات بھی حصہ لے چکی ہیں- ان میں جارج ڈبلیو بش، ٹیلر سوئفٹ اور اوپراہ ونفرے٬ برٹنی اسپیٔر، لیڈی گاگا اور ڈیوڈ بیکھم٬ بختاور اور آصفہ بھٹو زرداری بھی شامل ہیں-خود پر برف اور پانی سے بھری بالٹی الٹنے والے افراد دوسروں کو بھی ایسا ہی کرنے یا پھر اس اعصابی کمزوری پر تحقیق اور مدد کرنے والی تنظیم ALS کو پیسے عطیہ کرنے کا کہتے ہیں۔ یہ مہم کافی کامیابی کے ساتھ جاری ہے اور مجموعی طور پر اب تک 53.3 ملیں ڈالر کی خطیر رقم اکٹھی کی جا چکی ہے۔ لیکن اس حقیقت کو بھی نظر انداز نہیں کیا جاسکتا کہ ماہرین یوں سر پر ٹھنڈے پانی اور برف سے بھری بالٹی الٹنے کے اس عمل کو خطرناک بھی قرار دے رہے ہیں اور ان کے نزدیک اس عمل سے جان بھی جاسکتی ہے

چند جھلکیاں دنیا کی ایسی مقبول و معروف شخصیات کی جو اپنے اوپر برف اور پانی سے بھری بالٹی الٹ رہے ہیں:
 

ہالی ووڈ اسٹار ٹام کروز بھی اس مہم کا حصہ رہے-
 

VIEW PICTURE GALLERY