Mushkil Rastay Episode 1

Ufff Kitni Kali Siyah Raath Hay Sania Daikho To Bahir Aik Bhi Tara Nazar Nahi Araha Hay.....May Khirki Say Bahir Daikhtay Huay Sania Say Boli....Yai Tum Her Waqth Adhi Raath Ko Khirki Say Bahir Kiyun Jhanknay Lug Jati Ho..Dear Kahin Kisi Bhooth Pareeth Say Hello Hi To Nahin Hogayee Tumhari...Sania Ki Neend Say Bojhal Awaaz May Jhinjhalahat Ka Ansar Numaya Tha....May Muskura Di...Agar Hogayee Na Sania Madam May Aap Say Zaroor Ussay Milaooungi....Meray Chiranay Per Wo Haath Jor Ker Uth Baithi.....O Meri Maa Raath May Taray Dhoondna Bus Kerdo...Wo Bhi Chanda Chacha Kay Saath So Rahay Hungay Tumharay Is Terha Tanka Jhanki Say Kissi Ko Bhi Mohallay Main Ghalath Fehmi Hosakti Hay...Bhar Say Mun Say Jamayee Laiti Huyee Wo Mazhaka Khaiz Lug Rahi Thi...Acha Tum So Aram Say May Bahir Jarahi Hun Bohoth Bhook Lug Rahi Hay....May Bed Ki Side Table Per Rakhay Lamp Ka Switch Off Kertay Huay Boli... Hmmm Aik Tumhari Yai Raath May Chugnay Ki Adath Say May Bohoth Tung Agayee Hun.. Wo Mohterma Jo Late Chuki Theen Blanket Sir Say Hutta Ker Mundhi Ankhon Say Andhairay May Mujhay Daikhnay Ki Nakam Koshish Kertay Huay Bolin...May Husti Hui Kamray Say Bahir Nikal Ayee.......Lounge Ki Light On Kertay Huay Us Say Mulehqa American Kitchen Ki Taraf Barh Gayee....Fridge Say Kal Ki Bani Huyee Spegahetti Ki Dish Nikaal Ker Microwave May Garam Kernay Lagi....Garam Kernay Kay Baad Apni Plate Liyai May Lounge May Agayee Tv On Kerkay Sofa Per Baith Ker Mazay Say Apna Meal Enjoy Ker Nay Lagi..Yai Meri Bohoth Burri Adath Hayaraath Kay Do Dhai Bajay Uth Ker Khana Khana Or Tv Daikhna..Agar Amma Bi Hotin To Kitni Daant Parhti Mujhay...Khair Abhi Kuch Din Or Mazay Kerlo Ayesha Bibi Abhi Amma Bi Multan Say Aik Mahinay Pehlay Lotnay Say To Rahin ...May Dil Hi Dil May Amma Bi Kay Baray May Sonchtay Huay Muskuranay Lagi Abhi Teen Char Luqmay Hi Pait Kay Andar Gai Hungay Kay Laounge May Rakhay Phone Nay Bujna Shuroo Ker Diya....Is Waqth Phone Kis Ka Hosukta Hay...Mujhay Thori Si Tashweesh Huyee Pata Nahin Kiyun Dill Ki Dharkan Taiz Honay Lagi...Or Aik Anjana Khof Mujhay Apni Lapait May Lanay Luga...Phone Stand Per Say Receiver Jaisay Hi Utha Ya To Udhar Say Khaloo Jaanki Kupkupati Huyee Awaz Meri Samaton Say Takrayee....Hello Betay May Khaloo Bol Raha Hun.....Khaloo Jaan Kaisay Hain Aap Or Sub Theek Thak Hay Na Multan May Amma Bi Kaisi Hain....May Dharaktay Dil Kay Saath Aik Hi Saans May Bol Gayee Thi....Khaloo Jan Ki Rundhi Huyee Awaz Receiver Per Ubhri....Beta Sub Khatum Hoagaya Hay Sub Ko Mardiya Un Zalimo Nay...Wo Phoot Phoot Kay Ronay Lagay....Amma Bi Kaisi Hain Khaloo Wo Wo Theek Hay Na..Wo Bhi Ab Nahin Rahin..Receiver Meray Haath Say Neechay Gir Gaya.....Aisa Nahin Hosukta Ammaaa Bi Meri Ammaa Bi Wapis Ajao...May Unhain Cheeq Cheeq Ker Awazain Dainay Lagi....Sania Bhi Bahir Nikal Ayee....Kiya Hua Ayesha Tum Aisay Ro Kiyun Rahi Ho...Wo Mujhay Rota Hua Daikh Ker Peraishani Say Boli...Us Nay Zameen Per Gira Raceiver Utha Kar Kaan Say Laga Liya...Khaloo Jaan Abhi Tuk Phone Per Hi Thay...Yai Yai Kaisi Batain Ker Rahay Hain Aap Abhi Subha Hi To Amma Bi Say Hummari Baath Huyee Thi...Yai Aaaa...Aap Kiya Keh Rahay Hain...Nahin Please Kehdijiyai Khaloo Jaan Yai Jhoot Hay...A H Nahinnnn....Wo Roti Huyee Keh Rahi Thi...Ayesha Yai Sub Jhoot Hay Na Khaloo Jan Bohoth Bhonda Mazaq Ker Rahay Hain....May May Un Say Kabhi Baath Nahin Keroongior Na Amma Bi Ko Ab Multan Janay Doongi...Tum Sun Rahi Hona May Kiya Keh Rahi Hun......Wo Receiver Rakh Ker Maray Paas Fursh Per Meray Khareeb Baith Gayee Or Mujhay Kandhon Say Pakar Ker Jhinjhortay Huay Boli Thi...May Us Say Lapat Gayee Or Apni Choti Behan Ko Bazoon May Bhar Ker Ronay Lagi....Amma Bi Ki Noorani Or Meharbaan Soorath Meri Ankhon May Phirnay Lagi Thi Us Waqth.....

Assalam O Alaikum....Yai Mera Bohoth Purana Adh Likha Novel Hay ...Jo Inshallah May Is Forum Per Complete Kernay Ki Koshish Keroongi Agay Allah Subhana Watallah Ki Merzi..