|
سیلفی کا عمل نوجوانوں میں ایک نشے کی مانند سرایت کرتا
جارہا ہے اور اکثر نوجوان اس عمل میں موت کا شکار بھی ہوجاتے ہیں- ایسا ہی
ایک واقعہ گزشتہ روز بھارت کے ایک چڑیا گھر میں بھی پیش آیا ہے جہاں ایک
نوجوان سیلفی لیتے ہوئے شیر کا نوالہ بن گیا-
یہ افسوسناک واقعہ بھارت کے دارالحکومت نئی دہلی کے چڑیا گھر میں منگل کو
پیش آیا جہاں ایک سفید شیر نے ایک نو عمر لڑکے کو ہلاک کر ڈالا۔
|
|
|
|
عینی شاہدین کے مطابق کہ ہلاک ہونے والا نوجوان چڑیا گھر میں سفید شیر کے
احاطے کے پاس اپنے موبائل فون سے سیلفی فوٹو لینے کی کوشش میں مصروف تھا کہ
اس دوران دیوار سے نیچے جا گرا۔
نئی دہلی میں واقع چڑیا گھر میں تماشائیوں کو تین حفاظتی حصاروں کی دوری سے
شیروں کو دیکھنا ہوتا ہے۔ اور جس حصار میں شیروں کو رکھا گیا ہے وہاں
تماشائیوں اور شیروں کے درمیان ایک گہری گھائی بھی موجود ہوتی ہے تاکہ شیر
باہر نہ آ سکیں۔
عینی شاہدین کا کہنا تھا کہ نوجوان طالب علم نے تصویر لینے کے لیے کم از کم
دو حفاظتی باڑیں عبور کیں لیکن بدقستمی سے تصویر لیتے وقت وہ کھائی میں جا
گرا جبکہ موجود متعدد تماشائیوں نے اس خوفناک منظر کو موبائل کے ذریعے
ریکارڈ کر لیا۔
|
|
|
ویڈیو میں ریکارڈ مناطر دیکھنے پر پتہ چلتا ہے کہ شیر نے نوجوان پر ابتدائی
لمحات میں کوئی حملہ نہیں کیا اور وہ کچھ دوری پر لاتعلق بیٹھا رہا، لیکن
لڑکے کو بچانے کے لیے تماشائیوں نے شور مچانا شروع کر دیا اور کچھ لوگوں نے
شیر پر پتھراؤ کیا۔
پتھراؤ کے نتیجے میں شیر مشتعل ہو گیا اور اس نے لڑکے کو گردن سے دبوچ لیا
اور چند ہی منٹوں میں اسے ہلاک کر دیا۔ شیر 12 منٹ تک اس لڑکے کو گردن سے
دبوچ کر اپنے حصار میں دوڑتا رہا جبکہ چڑیا گھر کے محافظ تقریباً 20 منٹ
بعد وہاں پہنچے۔
|
|
|
سفید شیر ایشیا کے جنوبی اور مشرقی علاقوں بلخصوص انڈیا میں پائے جاتے ہیں
اور ان کا شمار نایاب نسل میں ہوتا ہے۔ 2011ء کے اعداد و شمار کے مطابق
بھارت میں 1706 شیر ہیں، یہ تعداد دنیا بھر میں موجود کل شیروں کی نصف ہے۔ |
|
|
|
|