|
بھارتی ریاست گجرات میں ہیروں کے ایک تاجر نے ہندوؤں کے
اہم تہوار دیوالی کی آمد سے قبل اپنے 1200 ملازمین کو فلیٹ کے لیے بینک
ڈپازٹ٬ نئی کار کے ساتھ ساتھ ہزاروں ڈالرز مالیت کے ہیروں کے زیورات سے
نوازا ہے اور یہ سب کچھ ان ملازمین کو ان کی وفاداری کے انعام کے طور پر
دیا گیا ہے۔
یہ تحائف سواجی بھائی ڈھولکیا کی کمپنی کے 815 ملین ڈالرز کی کل مالیت کے
وفاداری کے پروگرام کا ایک حصہ تھے اور ان تحائف میں ملازمین کی بیویوں کے
تحائف بھی شامل تھے۔
|
|
|
|
ملازمین کو تحائف پیش کرنے کے لیے باقاعدہ طور پر سورت شہر میں اتوار کو
ایک تقریب کا انعقاد کیا گیا۔
سواجی بھائی ڈھولکیا جو کہ ہری کرشنا ایکسپورٹ کے چیئرمین ہیں کا کہنا تھا
کہ ’’یہ انعامات ان ملازمین کو دیے گئے ہیں جو برسوں سے کمپنی کی ترقی میں
اپنا اہم کردار ادا کر رہے ہیں۔‘‘
بھارت کے شہر سورت کو ہیروں کی تراش خراش اور اس کی برآمدات کے مرکز کے طور
پر جانا جاتا ہے اور سواجی بھائی ڈھولکیا اسی شہر سے تعلق رکھتے ہیں-
کمپنی میں پوائنٹس سسٹم کے تحت گزشتہ پانچ برسوں سے انعامات دیے جارہے ہیں،
لیکن اس سال کے انعامات نے سابقہ تمام ریکارڈ توڑ دیے ہیں۔
|
|
|
کمپنی کے چئیرمین کے مطابق 207 ملازمین کو اپارٹمنٹس، 491 کو کاریں اور 500
ملازمین کو زیورات دیے گئے ہیں۔ اس کے علاوہ اپارٹمنٹس کے لیے بینک ڈپازٹ
ان ملازمین کو دیا گیا ہے جن کے پاس اپنا گھر نہیں ہے۔ جو ملازمین اپنا گھر
رکھتے ہیں ان کو کار کا تحفہ دیا گیا-
یہ کمپنی دنیا بھر میں 75 ممالک کو چمکدار ہیرے برآمد کرتی ہے۔ |