|
پاکستانی کرکٹر یونس خان نے دوسرے ٹیسٹ میچ کے پہلے دن
آسٹریلیا کے خلاف مسلسل تیسری سنچری بنا کر کرکٹ کی دنیا میں نئی تاریخ رقم
دی ہے-
اب نہ صرف وہ ٹیسٹ میچوں میں سب سے زیادہ سینچریاں اسکور کرنے والے پہلے
پاکستانی کھلاڑی بن گئے ہیں بلکہ انہوں نے نوے برس پرانا ریکارڈ برابر کر
دیا ہے۔ یونس خان کی ان سینچریوں کی تعداد 26 ہے جبکہ پچیس سنچریاں بنانے
کا اعزاز انضمام الحق کو حاصل تھا ۔
|
|
|
|
اس سے قبل آسٹریلیا کے خلاف مسلسل تین سنچریاں سکور کرنے کا اعزاز برطانوی
کھلاڑی ہربرٹ سٹکلف کو حاصل ہے اور یہ سنچریاں سنہ 1924-25 میں اسکور کی
گئی تھیں۔
مدثر نذر، ظہیر عباس اور محمد یوسف کے بعد لگاتار تین ٹیسٹ سنچریاں بنانے
والے وہ چوتھے پاکستانی کھلاڑی ہیں جبکہ آسٹریلیا کے خلاف یہ کارنامہ
سرانجام دینے والے وہ پہلے پاکستانی بلے باز ہیں۔
آسٹریلیا کے خلاف دوسرے ٹیسٹ میچ کے پہلے دن پاکستان نے اپنی پہلی اننگز
میں دو وکٹوں کے نقصان پر 304 رنز بنا لیے ہیں۔
|
|
|
دوسرے ٹیسٹ میچ کے پہلے دن کے اختتام پر یونس خان 111 اور اظہر علی 101 رنز
بنا کر کریز پر موجود تھے۔ دوسری جانب اس ٹیسٹ میچ میں اظہر علی کی کاردگی
بھی بہترین رہی- اس ٹیسٹ میچ میں اظہر علی کی بنائی جانے والی یہ سینچری
آسٹریلیا کے خلاف پہلی سنچری ہے۔ |