|
میچ کے دوران سر پر چوٹ لگنے سے زخمی ہونے والے آسٹریلوی
بیٹسمین فلپ ہیوز آج وفات پا گئے ہیں۔ فلپ ہیوز سڈنی میں ہونے والے شیفیلڈ
شیلڈ ک کے ایک میچ کے دوران منگل کو سر پر باؤنسر لگنے سے شدید زخمی ہوگئے
تھے اور کومے میں چلے گئے تھے۔
|
|
|
|
1988 میں پیدا ہونے والے ہیوز سڈنی کے ایک ہسپتال میں زیرِ علاج تھے۔ فلپ
کو نیو ساؤتھ ویلز کے بولر شان ایبٹ کا باؤنسر لگا تھا جس کے بعد وہ پچ پر
ہی گر پڑے۔ فلپ کوما میں چلے جانے کے بعد وہ کبھی ہوش میں نہیں آئے۔
فلپ کو سٹریچر پر میدان سے باہر لے جایا گیا اور فوراً ہسپتال منتقل کیا
گیا جہاں ان کی سرجری ہوئی لیکن وہ جانبر نہ ہوسکے۔
فلپ نے اپنے کیریر میں 2009 سے سنہ 2013 کے درمیان 26 ٹیسٹ ميچوں میں
آسٹریلیا کی نمائندگی کی اور تین سنچریوں اور سات نصف سنچریوں کی مدد سے
ڈیڑھ ہزار سے زائد رنز بنائے۔
|
|
|
کرکٹ آسٹریلیا نے فلپ ہیوز کی وفات کے بعد اس دور کے تمام شیفیلڈ شیلڈ
میچوں کو منسوخ کر دیا ہے۔ |