Mushkil Rastay episode 8

Wo Khamoosh Laita Chuth Ko Ghoor Raha Tha....Na Janay Kiyun Wo Larki Or Wo Purisraar Aurath Baar Baar Zahan Ki Screen Per Namoodar Horahi Thin..Jamal Shah Nay Us Say Phir Koyee Baath Nahin Ki Thi....Bus Kamray May Janay Ka Keh Diya Tha Or Bus.........Wo Hairaan Bhi Tha Or Thora Fikermand Bhi Nahin Janta Tha Kay Agay Kiya Honay Wala Hay.........Issi Terha Adhi Raath Bhi Yunhi Jagtay Huay Guzar Gayee....Azaan Ki Awaaz Per Chonk Utha...........................................................................

Kiya May Poori Raath Jagta Raha Hun.........................................................................................
Wo Khud Say Sawal Kerta Hua Uth Baitha...Fajr Ki Namaz Ada Ker Kay Wo Phir Say Apnay Bed Per Akar Lait Gaya............Itni Dair Jagnay Ki Adad Nahin Thi Issi Liyai Lait Tay Hi Neend Nay A Ghaira...Abki Dafa Ankh Giyara Bajay Kay Baad Khuli....Wo Fajar Ki Azan Kay Saath Hi Uth Jata Tha....Namaz Say Faraghath Kay Saath Hi Nashta Diningroom May Khaya Jata....Jamal Shah Bhi Us Kay Shah Baba Jaisay Hi Thay ..Fajar Kay Baad Sonay Ki Adad Na Us Kay Ghar May Kissi Ko Thi Or Na Jamal Shah Fajar Kay Baad Sotay Thay....Is Liyai Ussay Yai Routeen Ajeeb Nahin Lugta Tha...Magar Kal Kay Waqiay Kay Baad Wo Poori Raath Jaga Tha....Or Udhar Jamal Shah Nay Bhi Poori Raath Yun Hi Jagtay Guzaar Di Thi..Salahudin Ko Bhook Lug Rahi Thi...Lakin Wo Neechay Janay Say Hichkicha Raha Tha...Jamal Ka Samna Kernay Ki Us May Himmath Nahin Thi...Lakin Kub Tuk Apnay Kamray May Para Rehta ...Nachaar Himmath Kerkay Seerhiyaan Uternay Luga...Nichli Manzil Per Diningroom Tha...Wo Seedha Us Kushada Diningroom May Chala Aya...Diningroom May Us Kay Illawa Koyee Nahin Tha...Siwai Jamal Shah Kay Khaas Mulazim Abas Kay...................................................................
Ajao Beta Nashta Kerlo.............................................................................................................
Wo Chup Chap Kursi Per Baith Gaya ...........................................................................................
Pareshan Na Ho Beta.......Jo Kuch Tum Nay Daikha Hay Ussay Khwaab Samujh Ker Bhool Jao..Agar Allah Nay Cha Ha To Haqeeqath Tum Per Wazah Hojai Gi...............................................................
Wo Garam Paratha Us Ki Plate May Dalta Hua Bola To Wo Chonk Ker Ussay Daikhnay Laga..Wo Hairath Say Abas Ko Tuk Raha Tha..........................................................................................................
Aisay Kiya Daikh Rahay Ho Beta....Jo Kuch Horaha Hay Us Per Peraishan Na Ho....Or Ziyada Soncho Muth...Abhi Tum Bohoth Chotay Ho.............................................................................................
Wo Us Ka Kandha Thup Thupata Hua Bol Raha Tha...Or Wo Chup Chap Ussay Daikhay Ja Raha Tha....Abaas Bhi Kuch Kum Purisraar Shukhsiyath Na Tha...Bulkay Her Fard Hi Purisraar Lugta Tha Ussay Is Mahal Nama Banglay May....
Salahudin Beta Sahib Aap Ko Library May Bula Rahay Hain............................................................
Doosray Mulazim Nay Akar Jub Diningroom May Ussay Jamal Shah Ka Peghaam Diya To Wo Diningroom Say Nikal Gaya.......Nichli Manzil Per Hi Library Jo Is Manzil Ki Ain Wasth May Golayee May Hi Bani Hui Thi Kay Derwazay Kay Qareeb Pohonch Gaya....Lakri Kay Banay Us Baray Say Derwazay Kay Samnay Khara Wo Abhi Dustuk Dainay Kay Liyai Haath Barha Hi Raha Tha Kay....Andar Ajao Salhudin....Jamal Shah Ki Bhari Awaaz Goonji...To Wo Jhijhukta Hua Derwaza Khol Ker Andar Qadam Rakh Diyai....Golayee May Buni Is Library Kay Shelves Bhi Golayee May Banay Huay Thay...Teek Ki Lakri Say Banay Oounchay Oounchay Yai Shelves Or Un May Saleeqay Say Rakhi Kitabain Jamal Ki Adbi Zoq Ka Mun Bolta Subooth Thin...Chuth Per Lutuktay Intehayee Dilkush Fanoos....Or Thoray Thoray Faslay Per Teek Hi Ki Bani Char Say Paanch Study Tables...Or Kursiyan ....Sufaid Marble Ka Thunda Fursh...Or Wasth May Chota Sa Fountain ..Or Golayee May Hi Design Ki Huyee Khirkiyan..Nihayath Hi Khoobsoorath Library Thi....Jamal Shah Apnay Muqsoos Khoobsoorath Aram Dah Sofay Per Baithay Uski Janib Hi Daikh Rahay Thay....Wo Ahista Chulta Hua Unkay Qareeb Aker Moudab Andaaz May Khara Hogaya..................................................................................
Baith Jao Salahudin.................................................................................................................
Wo Ussay Baithnay Ka Ishara Kertay Huay Bolay...To Wo Unkay Sofay Kay Saath Rakhay Ussi Terha Kay Sofay Per Baith Gaya........................................................................................................
Tumhay Sirf Itna Kehna Chata Hun Kay Jo Kuch Kal Tum Nay Daikha Hay Ussay Bhula Do...Or Is Ka Tazkira Kissi Say Bahir Muth Kerna....Yai Hi Tumharay Or Hummary Huq May Behtar Hoga..............
Wo Kuch Dair Tuk Chup Chap Ussay Daikhtay Rahay Phir Ahista Awaz May Us Say Bolay Thay...........
Ji...........................................................................................................................................
May Nahin Chata Kay Kissi Aur Ko Is Kay Mutaliq Kuch Bhi Pata Chalay.......Tum Samujh Rahay Ho Na May Kiya Keh Raha Hun...
Ji...........................................................................................................................................
Hmmmm Ab Tum Ja Saktay Ho.........Wo Ussay Kehkar Sigar Sulganay Lugay Thay..Or Wo Khamooshi Say Library Say Bahir Nikal Gaya Tha..........................................................................................
.............................................................................................................................................

Waqth Taizi Say Guzarta Gaya...Din Mahino May Or Mahinay Salon May Badaltay Gai........Salahudin Ab Bees Saal Ka Hochuka Tha...Nihayath Wajih....Gundumi Rungath....Bari Bari Roshan Ankhain....Or Firaaq Paishani.....Nihayath Hi Zaheen Or Suljhi Huyee Shuqsiyath Ka Malik...Ned University Say Electrical Engineering Ker Raha Tha....Us Din Jub University Say Wapis Aya To Shah Baba Or Amma Jani Ko Mojood Paya ....Amma Jani Bohoth Kum Hi Ati Thin Milnay ...Wo Daikhtay Hi Maa Say Lupat Gaya......................................................................................................................................
Chal Beta Hum Tujhay Lainay Ai Hain...........................................................................................
Amma Jani Nay Kaha To Wo Khushi Say Jhoom Utha....In Das Salon May Wo Apnay Ghar Kabhi Na Gaya Tha...Or Ab Achanak Janay Ka Sun Ker Khush Hogaya Tha.....................................................
Magar Shah Baba Meri Studies Ka Kiya Hoga........Do Huftay Kay Liyai Jao Gay Berkhurdaar Phir Wapis Ajana...Ji Inshallah.........................................................................................................
Jamal Shah Kay Kehnay Per Wo Khushi Say Bola Tha.............
Shah Ji Betay Or Biwi Ko Lay Ker Quetta Agay....Poori Hawaili Rung-Wa-Noor Say Saji Huyee Thi.........
Dadoo Nay Daikhtay Hi Balain Laina Shuroo Ker Din...Behar Haal Wo Din Salahudin Kay Liyai Aik Yaad Gaar Din Tha...Wo Apnay Walaidain Or Dadoo Kay Paas Tha.....Wo Sub Jinsay Milnay Kay Liyai Wo Baitaab Tha Us Kay Saath Thay.....Us Kay Apnay.....Raath Wo Baray Sukoon Say Soya Tha.................
.............................................................................................................................................
Subha Fajar Ki Azaan Kay Saath Hi Ankh Khul Gayee...Wo Uth Ker Ghusal Khanay May Jakar Wazoo Kernay Laga........Wazoo Kay Baad...Kamray Say Bahir Nikla To Shah Baba Ko Apna Muntazir Paya ...
Chalo Salahudin Namaz Kay Liyai.....Wo Ussay Laikar Qareeb Hi Bunni Musjid Chalay Gai......Farz Namaz Bajamath Ada Ker Kay Kuch Dair Wo Dono Baap Beta Khamoosh Baithay Duain Mangtay Rahay.....................................................................................................................................

Salahudin May Tujh Say Aik Baath Kar Na Cha Ta Hun....................................................................

Ji Shah Baba Kehyai.................................................................................................................
Wo Humatun Gosh Hua..............................................................................................................

May Tera Nikah Ker Raha Hun Salahudin......................................................................................
Wo Aik Dum Sanatay May Agaya ...............................................................................................

Ji........Lakin Shah Baba Meri Studies...........................................................................................
Shadi Ker Raha Hun Teri Or Shadi Say Parhayee Qatum Nahin Hoti........Us Kay Baad Bhi Jitna Dil Cha
Hay Parhtay Rehna...................................................................................................................

Shah Ji Bolay To Wo Bechara Khamoosh Hogaya...........Waisay Bhi Un Kay Yahan Juld Shadi Ka Riwaaj Tha....Is Liyai Chup Horaha....Lakin Itni Juldi Shadi Hojaigi Yai Socha Bhi
Na Tha......Wo Akluta Aik Beta Tha Shah Ji Ka Lakin Wo Sham Jis Din Us Ka Nikah Tha Muqtasir Afraad Hi Nazar A Rahay Thay.....Jamal Shah Bhi Pohonch Gay Thay.......Unki Ankhon May Na Janay Kiyun Ansoo Thay Wo Samujh Na Paya................................................................................................
Nikah Kay Papers Per Dastukhath Bhi Bari Baydili Say Kiyai Thay....Ussay Qabar Hi Na Huyee Kay Nikah Khwan Nay Kis Ka Naam Liya Hay...Or Kis Ki Beti Us Ki Mankuha Zaberdasti Bana Di Gayee Hay........Khair Wo Baap Ko Khush Ker Na Chata Tha Is Liyai Koyee Sawal Kiyai Baghair Khamooshi Say Sir Jhuka Diya Tha..........................................................................................................
.........................................................................................................................................
Us Kay Kamray Ko Bari Khoobsoorti Say Sajaya Gaya Tha......Deewaron Or Chut Ko Gulab Or Motiyai Say Sajaya Gaya Tha............Jub Wo Andar Daqil Hua To Bed Per Baithay Us Surqi Mail Kapron May Luptay Wajood Nay Apnay Aap Ko Or Samait Liya Tha.......Wo Jhijhakta Hua Bed Kay Qareeb Agaya....
Daikho May Janta Hun Tumharay Kuch Khwab Hungay Lakin Meray Bhi Kuch Khwab Hain Jinhay Poora Ker Na Chata Hun...........May Koyee Romantic Insaan Nahin Hun.....Taleem Say Barh Ker Meray Nazdeek Kissi Or Cheez Ki Importance Nahin Hay...........Shaid May Tumhay Wo Tawajoh Na Day Paooun Jo Tumhara Biwi Honay Kay Natay Huq Hay.....Is Kay Liyai May Abhi Say Tum Say Maafi Mangta Hun.............Wo Lehza Bhar Ko Ruka....Or Aik Nazar Us Ghutri Numa Wajood Per Dali....Phir
Mazeed Goya Hua.....May Nay Yai Shadi Apnay Walaidain Ki Khushi Kay Liyai Ki Hay.......Werna May Is Shadi Kay Filhal Huq May Nahin Tha........................................................................................Jis Terha Aap Nay Apnay Waldain Kay Keh Nay Per Behalt-E-Mujboori Mujh Nacheez Say Nikah Kiya Hay....Issi Terha May Nay Bhi Apnay Abu Ji Kay Kehnay Per Yai Nikah Kiya Hay Salahudin.........................................................
Wo Jo Washroom Janay Kay Liyai Pulat Gaya Tha..........Us Khoobsurath Awaz Per Chonk Ker Aik Dum Pulat Ker Daikha To Wo Shahana Andaaz May Sir Uthai Ussay Hi Daikh Rahi Thi...........Bari Bari Badami Kali Siyah Ankhainn Jin May Numi Teer Rahi Thi....Us Ki Taraf Sir Uthai Wo Ussay Daikh Rahi Thi... Wo Itni Haseen Thi Kay Thori Dair Kay Liyai Wo Bus Ussay Daikhay Gaya Kuch Bol Na Paya............Achanak Zahan Kay Goshay May Us Choti Si Bachi Ka Sarapa Lehraya To Wo Chonk Utha................................Jis Choti Si Larki Ko Wo Aaj Tuk Bhula Na Paya Tha....Wo Wohi Thi Jamal Shah Ki Beti Fatima..............................................................................