دنیا کی خوبصورت ترین شاہراہیں

تصور کریں کہ آپ اپنی گاڑی میں اکیلے کہیں جارہے ہیں اور آپ کا سفر سینکڑوں میل طویل سڑک پر جاری ہے مگر آپ کے اردگرد موجود بلند و بالا پہاڑ٬ سرسبز چراہ گاہیں یا شاندار قدرتی نظارے آپ کو بوریت شکار نہیں ہونے دے رہے- جی ہاں دنیا میں واقعی ایسی خوبصورت شاہراہیں موجود ہیں جن پر سفر کرنا منزل پر پہنچنے سے زیادہ دلچسپ ہوتا ہے- ایسی ہی چند خوبصورت شاہراہوں کا ذکر ہے آج کے ہمارے اس آرٹیکل میں جو کہ دنیا کے مختلف ممالک میں واقع ہیں-
 

Atlantic Ocean Road
یہ شاہراہ ناروے کے County Road 64 کا ایک چھوٹا سا حصہ ہے کہ ایک انتہائی شاندار جزیرے کے اوپر سے گزرتی ہے- یہ روڈ متعدد چھوٹے چھوٹے جزیروں کی اوپر بنایا گیا ہے جو کہ مختلف پلوں کی مدد سے آپس میں جڑے ہوئے ہیں- اس سڑک کا شمار سفر کے حوالے سے دنیا کی بہترین سڑکوں میں کیا جاتا ہے-

Hana Highway
اس شاہراہ کا شمار امریکہ کی خوبصورت ترین سڑکوں میں ہوتا ہے اور یہ ہوائی کے علاقے Maui میں واقع ہے- یہ سڑک آبی جنگلات کے درمیان سے گزرتی ہے اور 84 کلومیٹر طویل ہے جو کہ Kahului کو Maui سے جوڑتی ہے- اس سڑک پر گاڑی ڈرائیو کرتے ہوئے متعدد موڑ کا سامنا کرنا پڑتا ہے جس کی وجہ سے اس کا سفر کچھ طویل بھی ہوجاتا ہے-

Rohtang Pass
یہ سڑک انڈیا میں واقع ہے اور اسے صرف مئی سے لے کر نومبر تک کھولا جاتا ہے کیونکہ یہاں کبھی بھی برفانی طوفان آجاتے ہیں- موسم گرما میں یہ راستہ انتہائی مصروف ترین راستوں میں شمار ہوتا ہے کیونکہ سیاحوں کے ساتھ ساتھ ملٹری کی گاڑیاں ٹرک بھی اسی راستے کو استعمال کرتے ہیں-

Col de l’Iseran
یہ سڑک اٹلی اور فرانس کی سرحد کے نزدیک واقع ہے اور انتہائی بلند و بالا چوٹیوں اور سرسبز چراہ گاہوں کے درمیان سے گزرتی ہے- یہ سڑک 2 وادیوں کو آپس میں جوڑتی ہے جس میں کئی سرنگیں بھی شامل ہیں- اس سڑک کا شمالی حصہ سکائی ریزورٹس کے حوالے سے دنیا بھر میں مقبول ہے- اس سڑک تک رسائی صرف موسمِ گرما میں ہی ممکن ہوتی ہے-

National Route 40 (Ruta 40)
یہ ایک ناقابل یقین ہائی وے ہے جو کہ 3000 میل کے رقبے پر پھیلا ہوا ہے-ارجنٹینا کی شمالی سرحد سے ملحقہ اس شاہراہ سے گزرتے ہوئے بلند و بالا پہاڑ اور متعدد قسم کے دیگر قدرتی نظارے دیکھنے کو ملتے ہیں- یہ دنیا کا سب سے طویل ہائی وے ہے جس پر سفر کرنے کے دوران 20 نیشنل پارک٬ درجنوں دریا اور درجنوں پہاڑ دیکھنے کو ملتے ہیں-

US 1 from Key Largo to Key West
فلوریڈا کی اس شاہراہ سے گزرتے ہوئے انتہائی خوبصورت نظارے دکھائی دیتے ہیں- تاحدِ نگاہ تک پھیلا ہوا نیلے رنگ کا سمندر آنکھوں کو ایک عجیب سا سکون مہیا کرتا ہے- یہ سڑک متعدد جزیروں کے اوپر سے گزرتی ہے-

Trollstigen Road
یہ عجیب و غریب سڑک ناروے میں واقع ہے- یہ سڑک ایک ٹاؤن کو ایک چھوٹے سے گاؤں سے جوڑتی ہے اور اپنی تنگی اور متعدد موڑ کی وجہ سے سیاحوں کے درمیان انتہائی مقبول ہے-لیکن اس سڑک پر ڈرائیو کرنے والے فرد کو اپنا مکمل دھیان ڈرائیونگ کی جانب رکھنا ہوتا ہے- عام طور پر یہ شاہراہ موسم سرما میں بند ہوتی ہے-