خوفناک ترین پُل٬ کمزور دل والوں کا کام نہیں

پُل آمد و رفت کا ایک اہم ترین ذریعہ ہوتے ہیں اور ان کی تعمیر کا مقصد ٹریفک کے دباؤ کو کم کرنے کے ساتھ ساتھ دو مختلف راستوں کو آپس میں جوڑنا بھی ہوتا ہے- یوں تو دنیا میں متعدد پُل موجود ہیں جو لوگوں کو ایک جانب سے دوسری جانب پہنچنے میں آسانی فراہم کرتے ہیں لیکن چند پُل ایسے بھی تعمیر کیے گئے ہیں جن سے گزرتے ہوئے انسان خوف کا شکار ہوجاتا ہے- یہ پُل انتہائی بلندی پر تعمیر کیے گئے اور اگر انسان یہاں سے نیچے کی جانب دیکھے تو اس کی سانسیں تھم سی جائیں- دنیا کے چند ایسے ہی خطرناک ترین پل کا ذکر ہے آج کے ہمارے اس آرٹیکل میں-
 

Aiguille du Midi Bridge
یہ بلند ترین پُل فرانسیسی چوٹیوں کے درمیان واقع ہے جہاں تک رسائی صرف کیبل کار کے ذریعے ہی ممکن ہے- درحقیقت یہ دنیا کی سب سے طویل عمودی ( vertical ) کیبل کار ہے جو 9 ہزار فٹ کی بلندی تک جاتی ہے- جو افراد اس کیبل کار پر بیٹھ کر سفر کرنے کا حوصلہ رکھتے ہیں انہیں جنوبی فرانس کی پہاڑیوں کے شاندار نظارے دیکھنے کو ملتے ہیں- یہ سفر 20 منٹ کا ہوتا ہے-

Capilano Suspension Bridge
یہ پُل برٹش کولمبیا کے علاقے شمالی Vancouver میں واقع ہے- یہ پُل 140 میٹر طویل اور دریائے Capilano سے 70 میٹر کی بلندی پر بنایا گیا ہے- یہ پُل سب سے 1889 میں تعمیر کیا گیا اور دوسری بار اس کی تعمیر مضبوط ترین کیبلوں کی مدد سے 1965 میں کی گئی-

Puente de Ojuela
اسے Mapimi پُل کے نام سے بھی جانا جاتا ہے اور یہ میکسیکو کے علاقے Durango میں واقع ہے- اس پُل کو 1898 میں پہلی بار تعمیر کیا گیا لیکن اس کی دوبارہ بحالی 1991 میں ہوئی- یہ سیاحوں کے لیے انتہائی پرکشش مقام ہے-

Geumgang Gureumdari Bridge
یہ پُل کوریا کے Daedunsan Provincial Park میں واقع ہے اور اس پارک میں موجود پہاڑوں پر چڑھنے والوں کو اس پر سے گزرنا پڑتا ہے- یہ پُل 50 میٹر طویل ہے اور گہری ترین گھاٹیوں سے 80 میٹر کی بلندی پر بنایا گیا ہے- اس پر سے گزرنا کمزور دل والوں کے بس کی بات نہیں-

Carrick-a-Rede Rope Bridge
یہ پُل شمالی آئرلینڈ میں واقع ہے اور زمین کو ایک چھوٹے سے جزیرے سے جوڑتا ہے- یہ انتہائی تنگ پُل ہے- اس کی لمبائی 20 میٹر ہے جبکہ پتھریلے سمندر سے 30 میٹر کی بلندی پر تعمیر کیا گیا ہے- اسے گزشتہ سالوں میں کئی مرتبہ تعمیر کیا گیا اور اس کی حالیہ تعمیر 2008 میں ہوئی ہے-

Mount Titlis Cliff Walk
سوئس چوٹیوں میں واقع یہ پُل سطح سمندر سے 10 ہزار فٹ کی بلندی پر تعمیر کیا گیا ہے- 98 میٹر طویل یہ پُل گلیشیر سے 457 میٹر کی بلندی پر واقع ہے- یہ پُل 120 میل فی گھنٹہ کی رفتار سے چلنے والی ہوا اور 450 ٹن برفباری کو برداشت کرنے کی صلاحیت رکھتا ہے-

Hanging Bridge of Ghasa
یہ پُل نیپال کے گاؤں Ghasa کے نزدیک واقع ہے اور رسیوں کی مدد سے بنایا گیا ہے- یہ خوفناک پُل ایک پہاڑی وادی پر تعمیر کیا گیا ہے- اس کی بلندی کے بارے میں کوئی نہیں جانتا- یہ تنگ پہاڑی راستوں کے خاتمے کے لیے بنایا گیا تھا- اور اسے روزانہ انسان اور جانور دونوں ہی استعمال کرتے ہیں-