سال 2014 کی چونکا دینے والی بہترین تصاویر

سال 2014 کے اختتام پزیر ہونے میں اب صرف چند ہی گھنٹے باقی ہیں- یوں تو اس سال بہت سے واقعات رونما ہوئے جن میں کچھ دلچسپ بھی تھے تو بعض المناک بھی- لیکن ہم آج سال 2014 کی رخصتی کے اس موقع پر گزشتہ 12 ماہ میں گزرنے والے صرف چند دلچسپ قیمتی لمحات کا ذکر کریں گے جو کیمروں میں قید ہو کر ہمیشہ کے لیے یادگار بن گئے- ہم بات کر رہے ہیں سال 2014 کی چند ایسی بہترین تصاویر کا جو آپ کی روح تک کو چھو لینے کی صلاحیت رکھتی ہیں- یہ تصاویر گزشتہ 12 ماہ کے دوران مختلف مواقعوں پر کھینچی گئی اور انٹرنیٹ پر چھائی بھی رہیں لیکن اب انہیں سال 2014 کی بہترین تصاویر ہونے کا اعزاز حاصل ہوا ہے-
 

Volcano
انڈونیشیا کے ضلع Karo میں واقع Sinabung نامی آتش فشاں پہاڑ کے پھٹنے اور وہاں سے اٹھنے والے راکھ کے ان بادلوں کی تصویر 3 نومبر کو کھینچی گئی- یہ آتش فشاں ستمبر 2013 سے فعال ہے اور یہاں سے اب تک ہزاروں افراد نقل مکانی کر چکے ہیں-

Dust storm
گرد کے طوفان کی یہ تصویر 3 جولائی کو طوفانوں کا تعاقب کرنے والے Mike Olbinksi نے ایریزونا کے علاقے فونکس میں کھینچی- نارنجی رنگ کی گرد کی تہیں غروب آفتاب کے وقت شہر کے اوپر سے گزر رہی ہیں-

Shockwave
اس عجیب و غریب ٹرک کو اس کے شعلے اگلنے والے سسٹم کے باعث Shockwave کا نام دیا گیا ہے- اس ٹرک میں 3 جیٹ انجن نصب ہیں اور اس کی حد رفتار 400 میل فی گھنٹہ ہے-

Human tower
انسانی ٹاور کی یہ تصویر 5 اکتوبر کو اسپین میں ہونے والے Castells Competition کے دوران کھینچی گئی- اس ٹاور کو بنانے کے لیے 30 سے زائد گروپ نے حصہ لیا-

Selfie
دبئی میں واقع دنیا کی بلند ترین عمارت برج خلیفہ کے سب سے بلند مقام پر کھڑے ہو کر Gerald Donovan نے اپنی یہ حیرت انگیز تصویر خود کھینچی- انہوں نے یہ تصویر بلندی پر کام کے دوران کھینچی -

Large hands
یہ 8 سالہ ہندوستانی لڑکا ایک خوفناک طبی بیماری کا شکار ہے جس میں ہاتھوں کے سائز اور وزن میں غیر معمولی اضافہ ہوجاتا ہے- اس وقت بچے کے ہاتھوں کا وزن 17 پونڈ جبکہ سائز 13 انچ ہے-

Turban of the year
یہ اب تک کی دیکھی جانے والی سب سے بڑی پگڑی ہے جسے اوتار سنگھ نے پہن رکھا ہے- اس پگڑی کی لمبائی 645 میٹر جبکہ وزن 100 پونڈ ہے- اوتار سنگھ یہ پگڑی چھ گھنٹے سے بھی زائد وقت تک اپنے سر پر رکھے رہتے ہیں-