دنیا کا سب سے مختصر ترین اور انوکھا پُل

پُل کی تعمیر کا مقصد ٹریفک کے دباؤ کو کم کرنا یا پھر دو مختلف مقامات کو آپس میں منسلک کرنا ہوتا ہے- اور اسی وجہ سے آپ اکثر جدید٬ بلند ترین یا پھر طویل ترین پُلوں کی تعمیر کے بارے میں سنتے رہتے ہیں- لیکن دنیا میں ایک ایسا پُل بھی موجود ہے جسے دنیا کا سب سے مختصر ترین پُل ہونے کا اعزاز حاصل ہے-

Somerset نامی یہ پُل دنیا کا سب سے چھوٹا پُل ہے اور یہ برمودا کے مغربی علاقے parish میں واقع ہے- اس چھوٹے سے پُل کا کام Somerset جزیرے کو مرکزی زمین سے منسلک کرنا ہے-
 

پتھروں کی مدد سے بنائے جانے والے اس پُل کی دیواریں انتہائی مضبوط ہیں اور یہ دونوں جانب کے ساحل کو کچھ اس انداز سے نزدیک لاتی ہیں کہ پُل کے نیچے سے چھوٹی کشتیاں بھی گزر سکتی ہیں-

یہ جگہ ایک موٹر بوٹ کے گزرنے کے لیے کافی ہوتی ہے لیکن یہاں سے کوئی بڑی کشتی یعنی بلند ترین بادبان کی حامل کشتی نہیں گزر سکتی-

بادبانی کشتی کو گزارنے کے لیے پُل کو جوڑنے والے لکڑی کے تختے ہٹا دیے جاتے ہیں جس کے بعد بڑی کشتی کا بھی گزر یہاں سے ممکن ہوجاتا ہے-

کشتی کے گزرنے کے بعد ان تختوں کو واپس اپنی جگہ پر رکھ دیا جاتا ہے اور یوں پُل کے دونوں حصے آپس میں منسلک ہوجاتے ہیں اور اس طرح پُل کے اوپر سے بھی ٹریفک گزر سکتی ہے-