نیوزی لینڈ: لوگوں نے طیارے سے کود کر جان بچائی

ایسا محسوس ہوتا ہے کہ جیسے فضائی حادثات میں روز بروز اضافہ ہوتا جارہا ہے جس کی ایک مثال گزشتہ روز نیوزی لینڈ میں رونما ہونے والا فضائی حادثہ بھی ہے- تاہم خوش قسمتی سے اس حادثے میں پائلٹ سمیت تمام افراد محفوظ رہے-

مذکورہ طیارے پر سوار پائلٹ سمیت 13 افراد نے اس وقت پیرا شوٹ کے ذریعے چھلانگ لگا کر اپنی جان بچائی جب طیارے کے انجن نے اچانک کام کرنا بند کردیا-

مذکورہ طیارہ سیاحوں کے ایک گروپ کو تفریح کے غرض سے نارتھ آئی لینڈ کی ایک جھیل توپو کی جانب لے کر جارہا تھا جھیل میں ہی گر کر تباہ ہو گیا۔

حادثے کے وقت طیارہ 1300 میٹر کی اونچائی پر تھا کہ انجن نے کام کرنا چھوڑ جس پر پائلٹ نے تمام مسافروں کو طیارہ خالی کرنے کی تجویز دی۔

اس تجویز کے بعد مسافروں کے ساتھ عملے کے چھ ارکان نے بھی طیارے سے پیراشوٹ کی مدد سے چھلانگ لگائی اور وہ بحفاظت زمین تک پہنچ گئے- دوسری جانب طیارہ جھیل میں گرنے سے قبل ہی مکمل خالی ہوچکا تھا۔

خوش قسمتی سے اس حادثے میں کوئی بھی شخص زخمی یا ہلاک نہیں ہوااور سول ایوی ایشن اتھارٹی کے ترجمان کا اسے ایک معجزہ قرار دیتے ہیں۔ تاہم اس حادثے کی تقشیش کی جارہی ہے-

< Previous دنیا کے چند خطرناک ترین ائیرپورٹ NEXT > پھانسی پر عملدرآمد چند سیکنڈ قبل ملتوی