|
چینی ڈاکٹروں کو کرنسی نوٹوں کی حقیقی طاقت کا درست
اندازہ اس وقت ہوا جب ان کی خوشبو سے ایک ایسا شخص کومے سے باہر آگیا جو کہ
گزشتہ ایک سال سے کومہ میں تھا اور ڈاکٹروں کی تمام کوششیں ناکام ہوچکی
تھیں-
|
|
|
|
ڈاکٹر لی ٹیونگ کا کہنا ہے کہ “ یہ انتہائی غیر معمولی تھا اور میں نے اپنے
20 سالہ کیریر میں کبھی ایسا نہیں دیکھا“-
30 سالہ Xiao Li چین کے علاقے Shenzen کا رہائشی ہے اور اسے سال 2013 اگست
میں اس وقت اسپتال میں داخل کیا گیا جب اس کی حالت انتہائی تشویشناک تھی-
اس شخص کی یہ حالت کئی ہفتوں تک مسلسل ایک انٹرنیٹ کیفے میں بیٹھ کر بزنس
آئیڈیاز پر تحقیق کرنے کی وجہ سے ہوئی تھی-
ڈاکٹروں نے کئی ماہ تک اسے کومے سے باہر لانے کی کوششیں کی لیکن وہ ناکام
رہے- جس کے بعد لی کے خاندان نے ڈاکٹروں کو بتایا کہ لی کو پیسوں سے بہت
محبت تھی-
|
|
|
ڈاکٹروں نے جب لی کو 100 یوآن کے نئے نوٹ سونگھائے تو انہوں نے دیکھا کہ لی
کی انگلیوں نے جنبش کرنا شروع کردی ہے- اور ساتھ ہی اس کی پلکیں بھی ہلنا
شروع ہوگئیں جس کے بعد لی ان نوٹوں کو پکڑنے کی کوشش کی-
لی کے خاندان نے اسے کچھ عرصے تک اسپتال میں ہی رکھنے کا فیصلہ کیا ہے جبکہ
لی کی حالت میں مسلسل بہتری آرہی ہے- |