Mushkil Rastay episode 14

Hooriya Say Dosti Kiya Huyee Un Ki Zindagi May Jaisay Bahar Agayee Thi...Bohoth Khush Rehnay Lagay Thay Wo.....Wo Bohoth Hi Masoom Si Thi.....Sherm O Haya Say Mala Mal....Lambi Dheeli Dhali Qameezain Pahan Ti Thi..Us Zamanay Ki Larkiyon Ki Terha Chusth Chotti Qamizon Or Bail Bottom Jaisay Wahiyath Kapron May Unho Nay Usay Kabhi Nahin Daikha Tha...Bhur Ker Dupatta Orh Ti Thi...Baal Ya To Khullay Rakhti Ya Phir Dheeli Chotti Bandh Ti Thi....Seedhi Sadhi Si Wo Larki Unsay Her Toppic Per Bila Jhijhak Bath Kerti Thi...Us Ki Knowledge Bohoth Zaberdasth Thi....Chahay Wo Bussines Say Related Guftugoo Ho Ya Chahay Adab Say Mutaliq Bahas Chal Rahiho....Wo Bohoth Achay Tareeqay Say Kisi Bhi Mozoo(Toppic) Per Bath Ker Lay Ti Thi.....Wo Na Sirf Haseen Thi
...Bulkay Zahanath Ki Dolath Say Bhi Mala Maal Thi...Qudrath Nay Husun Or Zahanath Ko Aik Hi Koozaymay Bund Ker Diya Tha....Lakin Aik Ajeeb Baath Thi...Wo Unsay Hamesha Tenhayee May Hi Milti Thi...Kabhi Samandar Kay Kinaray..To Kabhi Kissi Khamoosh Goshay May...Jub Wo Ussay Kisi Restaurant Ya Kissi Public Place Per Milnay Ka Kehtay To Hamesha Jawab Us Ka Yahi Hota.........

Aap Please Mujhay Is Kay Liyai Mujboor Na Karain...Mujhay Logon Ki Bud Gumaniyon Say Der Lugta Hay...Is Liyai Hummara Is Terha Milna Hi Theek Hay......

Or Yai Sun Ker Wo Khamoosh Hojatay...Mohobath Kub Amar Bail Ki Terha Unki Rag-E-Jaan Say Liput Gayee Thi....Unhay Pata Bhi Nahin Chala...Aik Din Wo Us Kay Saath Samandar Kay Kinnaray Baithay Huay Thay...Or Wo Unki Kisi Baath Per Huns Rahi Thi.....

Kiya May Tumharay Walaidain Say Mil Sukta Hun.........

Unho Nay Poocha To Aik Dum Wo Hunstay Hunstay Khamoosh Hogayee....Or Peraishani Say Unhay Daikhnay Lagi......
Nahin.....

Kiyun Nahin

Us Kay Inkaar Per Baitabi Say Poochnay Lagay............

Aakhir Aap Meray Walidain Say Kiyun Milna Cha Tay Hain.

Wo Ulta Un Say Poochnay Lagi....

Tumhay Panay Kay Liyai..............

Dil Ki Baath Zuban Per Agayee To Hairath Say Wo Jamal Ko Daikhnay Lagi..........

Lakin Yai Namumkin Hay........May Aap Kay Baray May Aisa Nahin Sonchti.......

Tum Jhoot Keh Rahi Ho Aisa Ho Hi Nahin Sakta........

Wo Us Ki Baath Sun Ker Mukuratay Huay Bolay To Wo Aik Dum Uth Khari Huyee.

Kiya Muthlub Hay Aap Ka............

Wo Naraz Lehjay May Boli...........

Jo Such Hay Wohi Keh Raha Hun Tum Say......Jitna May Tumhay Chata Hun........Utna Tum Bhi Mujhay Cha Ti Ho..Or Yai May Daway Say Keh Sakta Hun..........

Wo Pur Yaqeen Lehjay May Bolay

Lakin May Aap Say Mohobath Nahin Kerti Or Yahi Such Hay...Or May Nay Shuroo May Hi Aap Say Keh Diya Tha May Sirf Aap Ki Dosti Chati Hun..Mohobath Nahin....Lakin Mujhay Lugta Hay Aap Nay Mujhay Ghalath Samujha Hay...Is Liyai Mazeed Yai Dosti Agay Chal Nahin Sakti.

Wo Yai Keh Kar Mur Gayee.........

Tehro Hooriya Aik Aqri Baath Sunti Jao Is Kay Baad May Tumhay Nahin Rokunga..............

Wo Ruk Gaye Lakin Unki Taraf Muri Nahin.....

Agar Tum Yai Kehti Ho Kay Tumhay Mujh Say Mohobath Nahin To Tumhari Ankhain Tumhara Saath Kiyun Nahin Daitin...Agar Tum Kehti Ho Kay Hum Sirf Achay Dosth Thay To Meri Zara Si Takleef Bhi Tumhay Kiyun Berdashth Nahin Hoti...May Raya Kar Nahin Hun Hooriya Or Na Hi Munafiq Hun.....Lakin Shaid May Nay Mohobath Ker Kay Gunnah Ker Liya Hay...May Wada Kerta Hun Ab May Tumharay Samnay Kabhi Nahin Aoounga...Shaid Walaidain Ko Hurt Kernay Ki ...Unki Nafermani Kernay Ki Mujhay Saza Milly Hay...Is May Sara Qusoor Mera Hay...Acha Allah Hafiz....Jahan Raho Khush Raho.......

Phir Wo Rukay Nahin... Taizi Say Us Kay Paas Say Guzartay Huay Apnay Flat Ki Taraf Barh Gai...Balochi Khoon Un Ki Ragon May Dore Raha Tha..Beshak Wo Hooriya Say Piyar Kertay Thay Lakin Unhay Apni Izat-E-Nafs Bhi Piyari Thi ..........

............

Hooriya Wahin Khari Unhay Jata Hua Daikh Rahi Thi...Rok Na Chati Thi Lakin Rok Na Payee....Jo Shuqqs Us Ki Zindagi May Aik Anokhay Or Khoobsurath Andaaz Say Daqil Hua Tha...Ussay Aaj Shaid Wo Kho Chuki Thi.

May Tumharay Qabil Nahin Hun Jamal...May Tumharay Qabil Nahin Hun...........

Wo Mudham Lehjay May Unhay Door Jatay Huay Daikh Ker Boli Thi...

Hooriya Bibi...Chaliyai ...Raath Honay Say Pehlay Hummay Yahan Say Wapis Jana Hay......

Koyee Andaikha Wajood Sirgoshi May Bola To Wo Ansuoon Ko Hataili Say Khushk Keri Hui Wapisi Kay Liyai Mur Gayee....