سانپ سے ڈر نہیں لگتا؟ تو زرا ان کو دیکھئے

سانپ ایک لمبا٬ لچکدار اور خطرناک جانور ہے- دنیا بھر میں سانپوں کی 2900 اقسام پائی جاتی ہیں جن میں سے تقریباً 400 انتہائی زہریلی ہیں- سانپ چوہوں٬ پرندوں٬ چھوٹے ہرن٬ رینگنے والے جانوروں کے علاوہ انسان کو بھی اپنا شکار بناتے ہیں- سانپ اپنے سر کے قطر سے تین گنا زائد بڑے جانور کو نگلنے کی صلاحیت رکھتا ہے- ہم یہاں جن سانپوں کا ذکر کرنے جارہے ہیں وہ دنیا کے سب سے طویل ترین سانپ ہیں اور ان میں سے بعض انتہائی زہریلے اور خطرناک بھی ہیں-
 

The Carpet Python
اس سانپ کا تعلق پائتھن فیملی کے سب سے طویل ترین سانپوں کی ایک قسم سے ہے- یہ سانپ 2 سے 4 میٹر ( 6.6 فٹ سے 13 فٹ ) تک لمبے ہوسکتے ہیں- ان سانپوں کا وزن 15 کلوگرام تک ہوتا ہے- دلچسپ بات یہ ہے کہ ان سانپوں میں نر سانپ مادہ سے چھوٹے ہوتے ہیں جبکہ بعض خطوں میں تو پائے جانے والے مادہ سانپ نر سے 4 گنا تک وزنی ہوتے ہیں-

The Columbian Red Tail Boa
ان سانپوں میں مادہ عموماً 7 سے 10 فٹ ( 2.1 میٹر سے 3 میٹر ) تک جبکہ نر سانپ 6 سے 8 فٹ ( 1.8 سے 2.4 میٹر) تک لمبے ہوتے ہیں- مادہ سانپوں کے لمبائی کا 10 فٹ تک پہنچنا ایک عام سی بات ہے- بعض اوقات تو یہ اس سے بھی زیادہ یعنی 12 سے 14 فٹ تک بھی طویل ہوجاتے ہیں-

The Bushmaster Viper
یہ ایک طویل ترین زہریلا سانپ ہے جو کہ 13 فٹ تک لمبا ہوسکتا ہے- یہ عموماً شمالی کوسٹا ریکا کے دریائے ایمیزون کی جھاڑیوں یا جنگلات میں پائے جاتے ہیں- ان سانپوں کا رنگ reddish brown سے pinkish gray تک ہوسکتا ہے- یہ رنگ اپنی جنگل میں موجود رہائش گاہ سے ملتا جلتا رکھتے ہیں-

The King Cobra
کنگ کوبرا دنیا کا سب سے طویل ترین زہریلا سانپ ہے جو کہ 18.5 فٹ سے 18.8 فٹ ( 5.6 میٹر سے 5.7 میٹر) تک لمبا ہوسکتا ہے- بنیادی طور پر یہ دوسرے سانپوں کا اپنا شکار بناتا ہے- یہ خطرناک سانپ بھارت کے جنگلات٬ انڈونیشیا اور فلپائن میں پایا جاتا ہے- اوسطاً ان سانپوں کی لمبائی 3 سے 4 میٹر تک ہوتی ہے اور ان کا وزن 6 کلوگرام تک ہوتا ہے-

The Scrub Python
اس سانپ کا شمار بھی طویل ترین سانپوں میں ہوتا ہے البتہ یہ زہریلا نہیں ہوتا- یہ سانپ آسٹریلیا میں پایا جاتا ہے اور یہ زیادہ سے زیادہ 8.5 میٹر ( 28 فٹ ) تک لمبا ہوسکتا ہے-

The African Rock Python
ان سانپوں میں بالغ سانپ اوسطاً 18 فٹ تک لمبے ہوتے ہیں اور حد 25 فٹ تک لمبے ہوسکتے ہیں- جنگل میں ان سانپوں کا غلبہ ہوتا ہے کیونکہ یہ انتہائی طاقتور اور جارحانہ ردعمل کے حامل ہوتے ہیں- یہ سانپ قریب میں موجود کسی بھی چیز کو اپنی گرفت میں لے کر اپنی غذا بناسکتے ہیں- عموماً یہ افریقہ میں پائے جاتے ہیں-

The Burmese Python
یہ اوسطاً بالغ سانپ 13 فٹ تک لمبے ہوتے ہیں اور ان کی حد لمبائی 20 فٹ تک ریکارڈ کی گئی ہے- سانپوں کی اس قسم کی سب سے دلچسپ صلاحیت یہ ہے کہ یہ سانپ اپنے انڈوں کو گرمائش پہنچانے کے لیے اپنے جسم کے درجہ حرارت میں اضافہ کرسکتے ہیں اور یوں انہیں اپنے انڈوں کے گرد لپٹنے کی ضرورت نہیں ہوتی-