|
|
امیر ممالک میں اقتصادی غیریقینی اور غریب ملکوں میں
آسمان کو چھوتی ہوئی قیمتوں کے باوجود عالمی سطح پر موبائل فون کی فروخت
میں اضافہ ہو رہا ہے۔
اسٹریٹجی انالیٹِکس نامی تحقیقی ادارے کے
مطابق اس سال کے پہلے تین مہینوں میں 282 ملین موبائل فونز کی فروخت ہوئی جو
گزشتہ سال کے مقابلے میں چودہ فیصد زیادہ ہے۔
افریقہ اور ایشیا کے ممالک میں موبائل فون کے ڈیمانڈ میں
کافی اضافہ دیکھنے میں آیا ہے۔
|
|
موبائل فون مارکیٹ کا چالیس اعشاریہ نو فیصد حصہ ابھی بھی
نوکیا کے کنٹرول میں ہے جبکہ ایل جی اور سیمسنگ برانڈ کے فونز کی فروخت میں
تیزی دیکھی گئی ہے۔
|
|
اس سال موٹرولا، سونی اریکسن اور ایپل کو
نقصان اٹھانا پڑا ہے۔ اسٹریٹجی انالیٹِکس کے مطابق موٹرولا کے پاس مارکیٹ کا دس
فیصد ہے لیکن ایل جی فونز کی فروخت جلد ہی موٹرولا سے بڑھ سکتی ہے۔
ادارے کا کہنا ہے کہ ترقی پزیر ممالک میں
غذائی اشیاء کی قیمتوں میں اضافہ اور مغربی ممالک میں اقتصادی غیریقینی کے
حالات کا موبائل فون کی فروخت پر کوئی اثر نہیں پڑا ہے۔
ایک اندازے کے مطابق اپریل سے جون کے
درمیان 290 ملین موبائل فون فروخت ہونگے۔ |
|