شاندار جیت اور پاکستان کوارٹر فائنل میں پہنچ گیا

آسٹریلیا کے شہر ایڈیلیڈ میں کوارٹر فائنل میں کوالیفائی کرنے کے لیے آئر لینڈ اور پاکستان کے درمیان ہونے والے میچ میں پاکستان نے آئرلینڈ کو شکست دے کر کوارٹر فائنل تک رسائی حاصل کر لی ہے-

آئرلینڈ نے ٹاس جیت کر پہلے بیٹنگ کا فیصلہ کرتے ہوئے ہے مقررہ 50 اوورز میں 237 رنز بنائے۔ پاکستان نے یہ ہدف صرف 3 وکٹوں کے نقصان پر 46اوور کی پہلی گیند پر آسانی سے حاصل کرلیا-

پاکستان کی جانب سے آئر لینڈ کی وہاب ریاض نے تین، سہیل خان اور راحت علی نے دو دو اور احسان عادل اور حارث سہیل نے ایک ایک وکٹ حاصل کی۔
 

محمد عرفان انجری کے باعث نہیں کھیل رہے تھے اور ان کی جگہ احسان عادل کو ٹیم میں شامل کیا گیا تھا

دوسری جانب تجربہ کار بیٹسمین یونس خان کو ڈراپ کر کے حارث سہیل کو ٹیم میں شامل کیا گیا تھا-

پاکستان کی جانب سے بیٹنگ کے شعبے میں اوپنر آنے والے سرفراز نے عمدہ کارکردگی کا مظاہرہ کیا۔ انہوں نے 124 گیندوں پر 101 رنز بنائے اور یوں اپنی سینچری بھی مکمل کی جو کہ پاکستان کی اس ورلڈ کپ میں پہلی سینچری بھی تھی- سرفراز ناٹ آؤٹ بھی رہے- اس کے ساتھ ہی سرفراز مین آف دی میچ بھی رہے-

احمد شہزاد کے رنز بھی اس میچ میں قابلِ ذکر رہے- احمد شہزاد نے 71 گیندوں پر 63 رنز اسکور کیے-

آئر لینڈ کی جانب سے سب سے نمایاں اسکور William Porterfield نے کیا- انہوں نے 131 گیندوں پر 107 رنز اسکور کیے جبکہ آئرلینڈ کوئی دوسرا بیٹسمین قابلِ ذکر رنز بنانے میں کامیاب نہ ہوسکا-