نایاب اور حیرت انگیز تاریخی تصاویر

دنیا بھر میں تاریخی لمحات اور خاص مواقعوں کی تصاویر کھنیچ کر ہمیشہ کے لیے محفوظ کر لی جاتی ہیں کیونکہ اکثر لوگ تاریخی مقامات٬ یادگاروں اور خاص مواقعوں سے محبت کرتے ہیں- اور پھر یہی تصاویر بعد میں قیمتی اثاثہ بھی بن جاتی ہیں-آج کا آرٹیکل چند بہت اہم اور مقبول تاریخی تصاویر پر مشتمل ہے- یہ نایاب تصاویر شاید ہی آپ نے پہلے کبھی دیکھی ہوں-

ایک شخص فٹبال ہیلمٹ کے ابتدائی نمونے کی آزمائش کر رہا ہے- یہ نایاب تصویر 1912 میں کھینچی گئی-

دو فوجی گیس ماسک پہن کر پیاز چھیل رہے ہیں تاکہ ان کی آنکھوں میں آنسو نہ آئیں- یہ تصویر 1941 میں کھینچی گئی-

1950 میں کھینچی جانے والی اس تصویر میں روسی فوجی اپنے ٹینک سے ایک برفانی ریچھ کو کھانا کھلا رہا ہے-

یہ لندن میں ہونے والے ایک مقابلے کی تصویر ہے جس میں ایک پولیس آفیسر ٹخنوں کی مدد سے شخصیت کو پہچان رہا ہے- یہ تصویر 1930 میں کھینچی گئی تھی-

آسٹریلیا میں نیو ساؤتھ ویلز کی پولیس نے ایک موقع پر اپنی موٹر سائیکلوں کو بگھی میں تبدیل کر رکھا ہے اور یہ تصویر 1936 میں کھیںچی گئی-

بوائے اسکاؤٹس 8 ہزار میل کی بلندی پر چڑھنے کے بعد اپنے جوتوں کا جائزہ لے رہے ہیں- یہ نوجوان دو سال تک روزانہ 25 میل پیدل چلتے رہے- یہ تصویر 1937 میں کھینچی گئی-

1920 میں کھینچی جانے والی اس تصویر میں دکھایا گیا ہے کہ ایک اسکول کے بچوں کو بغیر پانی کے ہی تیراکی تربیت دی جارہی ہے-

یہ حیرت انگیز منظر اسٹاک ہوم میں رابطے کے لیے استعمال کی جانے والی 5 ہزار فون لائنز کا ہے- یہ تصویر 1890 میں کھیںچی گئی تھی-

اسوان ڈیم کی تعمیر کے دوران اس قدیم دیوقامت مجسمے کو پہلے مختلف ٹکڑوں میں تبدیل کیا گیا اور بعد میں انہیں دوبارہ جوڑا گیا- 1967 میں ڈیم کی تعمیر کے دوران یہ تصویر کھینچی گئی-

1945 میں کھینچی جانے والی اس تصویر میں ایک ہاتھی کو امریکی جہاز میں سامان لوڈ کرتے ہوئے دکھایا گیا ہے-

خلا میں بھیجے جانے والے پہلے کتے کی تصویر جو 1957 میں کھینچی گئی تھی- اس کتے کو ایک کیپسول میں بھیجا گیا تھا اور یہ مدار میں ہی مر گیا تھا-

12500 افراد نے مل کر یہ منظر تخلیق کیا اور اس منظر کی یہ تصویر 1918 میں کھینچی گئی- اس کارنامے میں کیمپ گورڈن سے تعلق رکھنے والے آفیسرز٬ نرسوں اور فوجیوں نے شرکت کی-

چار گھڑ سوار ایمسٹرڈیم کی گلیوں سے گزر رہے ہیں جبکہ آس پاس گاڑیاں کھڑی ہیں- یہ اس دن کی بات ہے کہ جب تیل کی بحران کی وجہ سے گاڑیوں کو ممنوع قرار دیا گیا تھا- یہ تصویر 1973 میں کھینچی گئی تھی-