صحت مند زندگی کے لیے وزن کیسے کم کیا جائے؟

آج موٹاپا یا بڑھتا ہوا وزن دنیا کا سب سے بڑا مسئلہ بن چکا ہے کیونکہ موٹاپا اپنے ساتھ کئی قسم کی بیماریوں کو بھی دعوت دیتا ہے- وزن بڑھنے کا سب سے اہم سبب ہمارا غیر صحت مند طرزِ زندگی ہے- لیکن اگر ہم چاہیں تو ایک صحت مند طرزِ زندگی اپناتے ہوئے اس وزن کو باآسانی کم بھی کرسکتے ہیں اور یہ زیادہ محنت طلب بھی نہیں ہے- ذیل میں چند ایسی ہی ٹپس دی جارہی ہیں جنہیں اپنا کر آپ نہ صرف ایک صحت مند زندگی گزار سکتے ہیں بلکہ اپنے بڑھتے ہوئے وزن کو کم بھی کرسکتے ہیں-

کبھی بھی پیٹ بھر کر نہ کھائیے ہمیشہ کچھ بھوک باقی رہنے دیجیے- اگر آپ پیٹ بھر کر کھائیں گے تر آپ کے معدے پر دباؤ بڑھ جائے گا اور اسے اپنے امور سرانجام دینے میں مشکل پیش آئے گی- آپ کو چاہیے کہ صرف 80 فیصد کھانا کھائیں-

لیموں پانی یا لیموں کا رس پینے سے انسان کا نظامِ ہضم بہتر ہوجاتا ہے جبکہ جسم سے زہریلے مادے بھی خارج ہوجاتے ہیں- کوشش کیجیے کہ روزانہ صبح نہار منہ ایک گلاس لیموں کا شربت ضرور پیجیے- اس طرح دن بھر آپ چست و توانا بھی رہیں گے-

آپ جو چاہیں کھائیں لیکن خیال رہے کہ کھانا وہی ہے جو آپ کے جسم کے لیے اچھا ہو- بادام اور سیب نظامِ ہضم کو تیز کرتے ہیں- اس کے علاوہ کیلے اور ابلے ہوئے انڈے انتہائی صحت بخش غذائیں ہیں-

کھانا شروع کرنے سے قبل پلیٹ میں ہر وہ چیز رکھ لیں جو آپ کے خیال میں آپ کھا سکتے ہیں لیکن خیال رہے کہ جو کچھ بھی کھائیں وہ تمام اقسام کے غذائی اجزاﺀ سے بھرپور ہو- لیکن واضح رہے کہ آپ نے کھانا صرف ایک مرتبہ پلیٹ میں ڈالنا ہے اور دوبارہ ہرگز نہیں لینا-

ہمیشہ کھانا آہستہ آہستہ کھائیں اور ذائقے کا لطف اٹھائیں کیونکہ معدے کو اس بات کا احساس صرف 20 منٹ ہی ہوجاتا ہے کہ وہ بھر چکا ہے اور یوں وہ دباؤ کا شکار ہوجاتا ہے-

دن بھر میں جتنا ممکن ہو پانی پئیں٬ آٹھ گلاس کی کوئی قید نہیں ہے اور نہ ہی یہ تعداد صحت مند زندگی کی ضامن ہے- زیادہ پانی پینے سے آپ کا نظامِ بہتر ہوگا اور تیزی سے کام کرے گا-

خود کو اس بات کے لیے آمادہ مت کیجیے کہ آپ نے روزانہ صرف 15 منٹ ورزش کرنی ہے- آپ چاہے روزانہ 15 منٹ ورزش کریں یا پھر 1 گھنٹہ لیکن کیجیے ضرور- بہتر یہ ہے کہ 30 سے 35 منٹ ضرور ورزش کی جائے- اس میں آپ مختلف قسم کی آسان ورزشوں کو بھی اپنی زندگی کا حصہ بنا سکتے ہیں-

نیند بھرپور اور پرسکون ہونی چاہیے- آپ کو چاہیے کہ روزانہ 8 گھنٹے کی نیند ضرور سوئیں- لیکن یاد رہے کہ نیند چاہے 8 گھنٹے سے کم ہو یا پھر زیادہ دونوں صورتوں میں نقصان دہ ہے-

< Previous لہسن متعدد قیمتی فوائد کا حامل NEXT > شوگر اور احتیاطی تدابیر

Comments

23 Oct, 2015

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.