دنیا میں روزانہ کئی اقسام کی ایجادات اور وجود میں آتی
رہتی ہیں لیکن ان میں سے کم ہی ایسی ہوتی ہیں جو لوگوں کی توجہ حاصل کرنے
میں کامیاب ہوتی ہیں-ہماری ویب دنیا بھر میں تخلیق کی جانے والی نت نئی
ایجادات کے بارے میں اکثر اپنے قارئین کو آگاہ کرتی رہتی ہے- حال ہی میں ہر
سال کی مانند اس سال بھی امریکی شہر لاس ویگاس میں الیکٹرانک مصنوعات کے
دنیا کے سب بڑے میلہ کا انعقاد کیا گیا-’CES‘ میلے میں مختلف کمپنیوں اور
الیکٹرانک اداروں نے ٹیکنالوجی کے شعبے میں اپنی نئی ایجادات پیش کیں- ان
ایجادات کو دیکھ کر یقینی طور پر کہا جاسکتا ہے کہ یہ ضرور سال 2016 میں
ٹیکنالوجی کے شعبے میں تہلکہ مچا دیں گی-
|
|
نت نئی ایجادات کی اس نمائش میں چینی کمپنی Ehang کی جانب سے دنیا کا پہلا
مسافر بردار ڈرون متعارف کروایا گیا- یہ ڈرون 5 فٹ لمبا اور 440 پونڈ وزنی
ہے-
|
|
نمائش میں ایل جی نے اپنی نئی کاغذ کی مانند پتلی ایل ای ڈی پیش کی جو اس
حد تک لچکدار ہے کہ اسے باآسانی اخبار کی طرح رول بھی کیا جاسکتا ہے-
|
|
ایل جی کمپنی کی جانب سے نمائش میں ایک اسمارٹ فریج بھی متعارف کروایا گیا-
یہ فریج نہ صرف بغیر کھولے اندر مجود تمام اشیا کی خبر دیتا ہے بلکہ جیسے
ہی آپ اس کے قریب پہنچتے ہیں فریج کے دروازے خودبخود کُھل جاتے ہیں-
|
|
26.5 انچ کا حامل ہے یہ بلنک بورڈ اسمارٹ فون سے منسلک ہو جاتا ہے اور 15
میل فی گھنٹہ کی رفتار سے دوڑنے کی صلاحیت رکھتا ہے-
|
|
نمائش میں Sensorwake 'olfactory' نامی ایک ایسی الارم کلاک بھی پیش کی گئی
جو انسان کو جگانے کے لیے گھنٹی بجانے کے بجائے سمندر٬ جنگل٬ کافی یا پھر
چاکلیٹ کی خوشبو خارج کرتی ہے-
|
|
نمائش میں SCiO نامی ایک ایسی ڈیوائس بھی موجود تھی جو کہ آپ کے کھانے
موجود کیلوریز کی مقدار اور غذائی اجزاﺀ کی معلومات فراہم کرنے کی صلاحیت
رکھتی ہے-
|
|
Drive PX2 ایک ایسا سپر کمپیوٹر ہے جو خودکار گاڑیوں کو کنٹرول کرنے کے لیے
خصوصی طور پر ایجاد کیا گیا ہے- یہ کمپیوٹر Nvidia نامی کمپنی نے تیار کیا
ہے-
|
|
Oura ایک ایسی اسمارٹ انگوٹھی ہے جو آپ کی نیند کے معیار اور دن بھر کی
سرگرمیوں کا ریکارڈ اپنے اندر محفوظ کرسکتی ہے اور آپ کو اس حوالے سے آگاہ
بھی کرتی ہے-
|
|
Digitsole نامی یہ جوتے اسمارٹ فون کی اپلیکیشن سے
منسلک ہو کر خودکار طریقے سے نہ صرف پاؤں میں فِکس ہوجاتے ہیں بلکہ کیلوریز
سے بھی باخبر رکھتے ہیں اور پاؤں کے درجہ حرارت سے بھی آگاہ کرتے رہتے ہیں-
|
|
Mio Slice ایک ایسا جدید بریسلٹ ہے جو آپ کے دن بھر
چلنے والے قدموں کا حساب رکھنے کے ساتھ ساتھ دل کی دھڑکنوں میں پیدا
ہونے والی بےترتیبی کے حوالے سے بھی آگاہ کرتا ہے- یہ آپ کی جسمانی
فٹنس کے بارے میں بھرپور معلومات فراہم کرنے کی صلاحیت رکھتا ہے-
|