حقائق اور ثابت شدہ تحقیق کے مطابق پاکستان کے دیہی
علاقوں میں رہنے والے افراد شہری علاقوں میں رہائش پذیر افراد کے مقابلے
میں 7 سے 8 سال زیادہ جیتے ہیں- گاؤں میں رہنے والوں کی طویل عمر کی کئی
وجوہات ہیں- بنیادی طور پر گاؤں کے رہائشیوں کا طرزِ زندگی کی ہی ان کی
طویل زندگی کا باعث ہے- طویل العمری کے کیا راز پنہاں ہیں ان کی طرزِ زندگی
میں؟ آئیے بتاتے ہیں-
|
|
گاؤں یا دیہات کے رہائشی بہترین غذا کھاتے ہیں جس کی بڑی وجہ ان علاقوں میں
کسی ریسٹورنٹ یا ہوٹل کا موجود نہ ہونا ہے- زیادہ تر ہوٹلوں پر ملنے والا
کھانا غیر صحت بخش اور نقصان دہ ہوتا ہے- گاؤں میں ہر قسم کا کھانا گھر پر
ہی تیار کیا جاتا ہے-
|
|
گاؤں میں رہنے والے افراد صبح سویرے بیدار ہوجاتے ہیں اور رات کو جلدی سونے
کے عادی ہوتے ہیں اور یہ دونوں عادات ان کی روزمرہ زندگی کا حصہ ہوتی ہیں-
یہ لوگ رات دیر تک نہیں جاگتے اور یہی ان کے صحت مند ہونے کا ایک بڑا راز
بھی ہے-
|
|
گاؤں کی فضا میں آلودگی نہیں پائی جاتی اور اسی وجہ سے یہاں کے رہائشیوں کو
تازہ ہوا میسر آتی ہے- اور اسی تازہ ہوا کی بدولت انسان کے سانس لینے کا
نظام بھی صاف رہتا ہے-
|
|
گاؤں کے رہائشی زیادہ تر ڈیری مصنوعات کا استعمال کرتے ہیں اور ان مصنوعات
کے حصول کے لیے ان لوگوں نے مویشی بھی گھر پر پال رکھے ہوتے ہیں- اس کا سب
سے بڑا فائدہ انہیں یہ ہوتا ہے کہ انہیں تمام ڈیری مصنوعات بغیر کسی ملاوٹ
کے میسر آتی ہیں-
|
|
گاؤں میں رہنے والے اپنے استعمال کے لیے سبزیاں خود اگاتے ہیں جو کہ صاف
پانی میں اگائی جاتی ہیں جبکہ شہری علاقوں میں فروخت کی جانے والی سبزیاں
عموماً گندے اور غیر صحت بخش پانی میں اگائی جاتی ہیں-
|
|
یہ لوگ زیادہ تر پیدل چلتے ہیں اور ایک سے دوسرے مقام تک سفر کے لیے بہت کم
موٹر سائیکل یا گاڑی کا استعمال کرتے ہیں- زیادہ پیدل چلنے کی وجہ سے گاؤں
کے رہائشیوں کی قوتِ برداشت اور بیماریوں کے خلاف لڑنے کی صلاحیت بہترین
ہوتی ہے-
|
|
گاؤں میں شہروں کے مقابلے میں تمباکو نوشی اور منشیات کا استعمال بہت کم
دکھائی دیتا ہے- اور یہ لوگ نشہ آور چیزوں سے دور بھاگتے ہیں جبکہ گاؤں کے
نوجوان مختلف کھیلوں بڑھ چڑھ کر حصہ لیتے ہیں-
|
|
دیہی علاقوں میں کوئی فیکٹری یا کمپنی پائی نہیں جاتی جس کی وجہ سے یہاں
کسی قسم کے کیمیکل کا اخراج٬ فضلے یا آلودگی کا بھی سوال پیدا نہیں ہوتا-
گاؤں کا ماحول صاف ستھرا اور صحت مند ہوتا ہے-
|
|
دیہی علاقوں میں رہنے والے شہری علاقوں میں رہنے والوں
کے مقابلے کم ہی ذہنی تناؤ یا ذہنی دباؤ کا شکار ہوتے ہیں اور اس وجہ سے یہ
لوگ ایک صحت مند دماغ کے مالک ہوتے ہیں-
|
|
گاؤں میں حادثاتی اموات کی شرح شہری علاقوں کے
مقابلے میں نہ ہونے کے برابر ہے اور ایسے عوامل کی شرح بھی بہت کم ہے
جو حادثات اموات کا سبب بنتے ہیں- |