وہ پراسرار مقامات جو گوگل پر نہیں دکھائی دیتے

گوگل میپس تو سب ہی استعمال کرتے ہیں٬ اس کی مدد سے ہم مشکل سے مشکل جگہ تک باآسانی پہنچ جاتے ہیں- مگر کیا آپ جانتے ہیں کہ دنیا میں ایسے کئی مقامات ہیں جہاں کا اصل راستہ گوگل میپ پر بھی موجود نہیں- سیکورٹی خدشات یا غیر معمولی سرگرمیاں وجہ چاہے جو بھی ہو لیکن ایسی بہت سی جگہیں ہیں جن کو گوگل میپ میں تلاش کرنا ناممکن ہے- کچھ مقامات کے حوالے سے وہاں کی حکومتوں نے خود خصوصی طور پر گوگل سے ان جگہوں کو نہ ظاہر کرنے کی درخواست کر رکھی ہے جبکہ ان مقامات کی سیٹیلائٹ کے ذریعے کھینچی جانے والی تصاویر بھی پرانی ہوچکی ہیں- اس آرٹیکل میں ہم چند ایسے ہی مقامات کی نشاندہی کریں گے جو گوگل میپ پر موجود نہیں-
 

Airbase at Reims, France
یہ فرانس کی ایک اہم ائیر بیس ہے اور ایسا معلوم ہوتا ہے کہ کئی اہم رازوں کی وجہ سے اس جگہ کو گوگل میپس پر دھندلا کیا گیا ہے تاکہ کوئی بھی اس مقام کے حقیقی نقشے کا سے آگاہ نہ ہوسکے-

NATO Headquarters Portugal
یہ پرتگال میں واقع نیٹو ہیڈکوارٹر ہے- یقیناً یہ بھی ایک حساس نوعیت کا مقام ہے اور اسی وجہ سے اسے بھی گوگل میپ پر واضح طور پر نہیں دیکھا جاسکتا-

Noordwijk Aan Zee, Netherlands
یہ نیدر لینڈ کا ایک چھوٹا سے علاقہ ہے لیکن چونکہ اس کا ایک بڑا حصہ یورپین اسپیس اینڈ ریسرچ سینٹر سے وابستہ ہے اس لیے اس جگہ کو بھی گوگل میپ پر ظاہر نہیں کیا جاتا-

Air base Ramstein, Germany
جرمنی کا یہ ائیر بیس “ آپریشن ایراقی فریڈم “ کا بنیادی مقام ہے اور اسے بھی گوگل پر دھندلا دکھایا جاتا ہے- یقیناً اس جگہ کو بھی نہ دکھائے جانے کی وجہ اس کا حساس ہونا ہوگا-

Unknown area, Russia
بعض لوگوں کا خیال ہے کہ یہاں میزائل کا نظام نصب ہے جبکہ کچھ لوگ یہ بھی کہتے ہیں کہ یہاں مختلف تجربات کیے جاتے ہیں- لیکن اصل حقیقت سے کوئی واقف نہیں بس اتنی سی حقیقت ہے کہ روس کے اس نامعلوم علاقے کو گوگل میپ پر ظاہر نہیں کیا جاتا-

Mobile Oil Corporation, New York
بہت سی جگہیں دہشت گردی کے خطرات کے باعث گوگل میپ پر دھندلی کردی جاتی ہیں- لیکن نیویارک میں واقع موبائل آئل کارپوریشن کو گوگل میپ پر دھندلا کرنے کی وجہ سمجھ سے باہر ہے-

Volkel Air Base, Netherlands
وکی لیکس پر شائع ہونے والے سفارتی خط و کتابت کی خبر کے بعد عندیہ دیا گیا کہ اس ائیر بیس میں ایٹمی ہتھیار موجود ہیں اور پھر یہ جگہ گوگل میپ پر دھندلی کر دی گئی-