رفاحی امور٬ یوسی براؤزر نے شاہد آفریدی فاؤنڈیشن سے اشتراک کرلیا

پاکستان کے صف اول کے موبائل فون براوزر یوسی براوزر (UC Browser)نے رفاحی امورکی انجام دہی کیلئے شاہد آفریدی فاؤنڈیشن کے ساتھ اشتراک کیا ہے۔ یوسی براؤزر کے مطابق یہ ان کی سماجی داری ہے کہ وہ ملکی رفاحی کاموں میں حصہ لیں اور اس مقصد کیلئے یوسی براؤزر نے اس فاؤنڈیشن کا انتخاب کیا ہے ۔ شاہد آفریدی فاؤنڈیشن ملک کے دور دراز دیہی علاقوں میں رہائش پذیر لوگوں کی طرز زندگی کو بہتر بنانے کے علاوہ وہاں پر تعلیم و صحت کی صورتحال میں بہتری کے حوالے سے کام کر رہی ہے ۔
 

اس موقع پر گلوبل مارکیٹس‘ علی بابا موبائل بزنس گروپ کے جی ایم کینے یے نے کہا کہ ہم نے کرکٹ کے سیزن میں #Unitedforcricketکے نام سے یوسی براؤزر پر ایک مہم چلائی تھی ، اس پر اثر مہم کا مقصد تھا کہ پاکستانی یکجاں ہو کر اپنی قومی ٹیم کی حمایت کر سکیں۔

اس مہم کی مقبولیت کا اندازہ اس امر سے لگایا جا سکتا ہے کہ قومی ٹی ٹوئنٹی ٹیم کے کپتان شاہد آفریدی نے بھی اس مہم کی حمایت کی تھی۔ اب یہ ہماری باری ہے کہ ہم شاہد آفریدی کے رفاحی کاموں کی حمایت کریں۔ ان کا کہنا تھا کہ قومی ٹی ٹوئنٹی ٹیم کے کپتان شاہد آفریدی اپنے کھیل کے علاوہ رفاحی کاموں کی شخصیت کے حوالے سے بھی شہرت رکھتے ہیں اور دنیا کے اُن 20 بڑے کھلاڑیوں میں شمار ہوتے ہیں جو کہ بڑے پیمانے پر رفاحی کام سر انجام دے رہے ہیں۔