میں نے اسی پل کراچی کے لئے
اُڑان بھری تھی ۔۔۔اب ایک پل بھی امریکہ میں رہنا میرے لئے ناممکن تھا ۔۔۔
میں ایک جن اور انسان کی بیٹی تھی قصور میرا صرف اتنا ہی تھا ۔۔ ۔۔۔ لیکن
جمال تو یہ سب جانتے تھے اور کسی حد تک میری ذات کو لاحق خطرات سے بھی آگاہ
تھے مگر پھر کیسے اس شخص نے مجھ پر اعتماد اور بھروسہ کرتے کرتے غیروں پر
اعتبار کرنا شروع کردیا تھا ۔۔۔۔۔ میری روز مرہ زندگی کا ہر پل ہر ساعت ہر
لمحہ ان کے سامنےتھا ۔۔۔ پھر بھی اس بدبخت کی باتوں میں آکر نہ صرف مجھے
دھتکار دیا تھا بلکہ میرا ان پر مان اور اعتماد بھی زمین بوس کردیا تھا
۔۔۔۔۔ یہ کیسی محبت تھی ان کی جس نے مجھے زندہ درگور کردیا تھا ۔۔۔۔۔ کیا
محبت کرنے والے اتنے ہی شقی القلب ہوتے ہیں ۔۔۔۔ کیا ان کے دل میں کہیں نہ
کہیں میری ذات سے متعلق شک چھپا بیٹھا تھا ۔۔۔۔۔ جو وسوسے مجھے ڈرا رہے تھے
وہ حقیقت کا روپ دھار چکے تھے کتنی جلدی سب کچھ تباہ ہوگیا تھا ۔۔۔۔۔۔ اپنے
گھر کے مین ڈور پر کھڑی میں یہی سوچے جا رہی تھی ۔۔۔۔ نہ میں ایک مکمل جن
تھی اور نہ ہی مکمل انسان میری شخصیت ادھوری تھی ۔۔۔ لیکن جمال سے شادی کے
بعد میں خود کو ان ہی جیسا سمجھنے لگی تھی ۔۔۔ ان کے اعتماد نے مجھے اپنی
ہی نظروں میں انمول بنا دیا تھا ۔۔۔۔ مگر آج ان کے کہے الفاظ نے مجھے بکھیر
کر رکھ دیا تھا ۔۔۔۔
آپ مجھ سے کتنی محبت کرتے ہیں ۔۔۔۔۔۔۔۔
جان سے بھی زیادہ ۔۔۔۔۔۔۔۔۔۔۔۔
میں ہنسی تھی ۔۔۔۔۔۔۔۔۔۔۔۔
کیوں یقین نہیں آرہا ۔۔۔۔۔۔۔۔۔۔
نہیں آپ پر یقین خود سے بھی زیادہ ہے ۔۔۔۔۔۔۔۔۔۔ لیکن ڈرتی ہوں ۔۔۔۔۔۔۔۔۔۔۔
حد سے زیادہ محبت کہیں نفرت میں نہ بدل جائے ۔۔۔۔۔۔۔۔
ایسا کیوں سوچتی ہو ۔۔۔۔۔۔۔۔ کیا مجھ پر اعتبار نہیں ؟
میں تو آپ پر اعتبار کرتی ہوں ۔۔۔۔۔۔۔۔۔ مگر کیا آپ کو مجھ پر ہے
۔۔۔۔۔۔۔۔۔۔۔
کیا ؟
اعتبار ۔۔۔۔۔۔ بھروسہ
بالکل ہے ۔۔۔۔۔
سوچ لی جئے ۔۔۔۔۔۔ بہت بڑی بات کہہ رہے ہیں آپ ۔۔۔۔۔
کیوں یقین نہیں آرہا ۔۔۔۔۔۔۔۔۔۔۔۔۔
ڈرتی ہوں ۔۔۔۔۔۔۔۔۔۔۔ وقت سے حالات سے ۔۔۔۔۔۔۔۔۔۔۔۔
میں انکی آنکھوں میں دیکھتے ہوئے بولی تھی ۔۔۔۔۔۔۔۔۔۔۔۔۔۔
پرانی باتیں ذہن و دل کو ڈسنے لگیں تھیں اس پل ۔۔۔ ایک نامعلوم سا درد
اترنے لگا تھا رگِ جاں سے لپٹنے لگا تھا ۔۔۔۔۔ میرے اپنے مالی نے چمن میں
آگ لگا دی تھی ۔۔۔۔۔مین ڈور پر کھڑی میں یہی سوچے جا رہی تھی کبھی یہ گھر
میرا تھا اب اس کی درو دیوار سے اجنبیت محسوس ہورہی تھی ۔۔۔۔ بہرحال ہمت
کرکے کپکپاتے ہاتھوں سے مین ڈور کھولا تھا اور اندر داخل ہوگئی جیسے ہی بڑے
سے لاؤنج میں قدم رکھا ہی تھا کہ عباس مالی کا ناشتہ ایک ٹرے میں رکھے
سامنے سے آتا دکھائی دیا ۔۔۔۔
اسلامُ علیکم میم صاحب ۔۔۔
وعلیکم اسلام ۔۔ بے بے کہاں ہیں ۔۔۔۔
عباس میرے لہجے کی کپکپاہٹ محسوس کر کے تھوڑی دیر کو ٹٹھک سا گیا تھا ۔۔۔۔۔
اور مجھے دیکھنے لگا ۔۔۔ جتنا لہجے میں کپکپاہٹ تھی اتنا ہی چہرا بے تاثر
تھا سپاٹ تھا ۔۔۔۔۔
وہ فاطمہ بی بی کے کمرے میں ہیں ۔۔۔۔
اس کی بات سن کر میں تیزی سے سیڑھیوں کی طرف بڑھ گئی ۔۔۔۔ چند سیکنڈ میں ہی
فرسٹ فلور پر اپنی بیٹی کے کمرے کے سامنے کھڑی تھی دروازہ ادھ کھلا تھا
۔۔۔۔۔ فاطمہ کی کلکاریوں کی آوازیں میرے ارادے کو ڈانو ڈول کرنے لگی تھیں
۔۔۔۔ اپنی بیٹی سے دوری کا احساس ہی بڑا تکلیف دہ تھا ۔۔۔۔ کچھ لمحے میں
یوں ہی کھڑی اپنے اشکوں کو پینے کی کوشش کرتی رہی ۔۔۔ پھر دروازہ کھول کر
اندر داخل ہوگئی ۔۔۔۔ میری پیاری بے بے فاطمہ کے ساتھ بیٹھی اس کوئی کہانی
سنا رہی تھیں ۔۔۔۔ ان سے بایں کرتی میری پھول سی بچی بیچ بیچ میں قہقہے لگا
رہی تھی ۔۔۔ مجھے اندر داخل ہوتا دیکھ کر بےبے خوشی سے اٹھ بیٹھیں اور
فاطمہ تیزی سے دوڑتی ہوئی مجھ سے لپٹ گئی ۔۔۔۔
حور مما آپ آگئے ۔۔۔ ابوجی کاں (کہاں) ہیں ؟
معصومانہ انداز میں مجھ سے پوچھنے لگی تو ایک دم میں نے اسے گود میں اِٹھا
لیا ۔۔۔۔۔ بے بے جو خوشی سے مجھے دیکھ رہی تھیں میرے چہرے کے تاثرات دیکھ
کر وہیں کھڑی کی کھڑی رہ گئیں ۔۔۔۔
کیا ہوا ہے حوریہ بی بی ۔۔۔ سب ٹھیک ہے نا ۔۔۔ صاحب کدھر ہیں ۔۔۔۔
انکے پوچھنے پر حسرت سے میں نے انہیں دیکھا تھا ۔۔۔ میرے اس طرح سے دیکھنے
پر وہ بیتابی سے میری طرف بڑہی تھیں ۔۔۔۔ اور میرے کاندھے پر ہاتھ رکھا تھا
۔۔۔ فاطمہ کو گود میں ہی اُٹھائے میں ان سے لپٹ گئی ۔۔۔
سب کچھ ختم ہوگیا بے بے ۔۔۔ سب کچھ ختم ہوگیا ۔۔۔۔
کیا کہہ رہی ہیں بی بی ؟ کک کیا ختم ہوگیا ۔۔۔۔ صاحب کدھر ہیں ۔۔۔ مجھے
بتائیں بی بی ایسا کیا ہوگیا ۔۔۔
کیا بتاؤں بے بے ۔۔۔ آپ کے صاحب نے مجھے جیتے جی مار دیا ۔۔۔۔ ایک غیر کو
مجھ پر فوقیت دے دی ۔۔۔۔ مجھے اپنی ہی نظروں میں گرا دیا ۔۔۔ نفرت جیت گئی
بے بے محبت نے آج دم توڑ دیا ۔۔ ہاں دم توڑدیا ۔۔۔۔ مر گئی محبت آج ۔۔۔ ۔
شک کے کالے ناگ نے اسے ڈس لیا ۔۔۔ آآ آآپ کی حوریہ کو ڈس لیا ۔۔۔ یہ میں
نہیں کھڑی آپ کے سامنے میری زندہ لاش کھڑی ہے ۔۔۔۔۔۔
میں رو رہی تھی اور بے بے صدمے اور غم کی تصویر بنی مجھے دیکھے جارہی تھیں
۔۔۔۔ میرا درد ان کی آنکھوں سے بہنے لگا تھا اس سمعے ۔۔۔۔ پھر کچھ پل
خاموشی کی نظر ہوگئے ۔۔۔۔۔ پھر ایک دم میں اُٹھی تھی اپنی جگہ سے ۔۔۔ اپنی
لختِ جگر کا آخری بار شاید بوسہ لیا تھا ۔۔۔وہ میری گود میں لیٹے لیٹے سو
گئی تھی ۔۔۔ اسے اس کے بستر پر لٹا کر میں ان کے نزدیک آگئی اور عقیدت اور
محبت سے ان کے دونوں ہاتھ تھام لئے اور ہاتھوں کا بوسہ لیا تھا ۔۔۔۔
میں جا رہی ہوں بے بے ہمیشہ کے لئے ۔۔۔ مگر فاطمہ کو آپ کے پاس چھوڑ کر جا
رہی ہوں میری بیٹی کی پرورش آپ کرینگی ۔۔۔۔ جمال سے کچھ مت پوچھئے گا کچھ
بھی نہیں ۔۔۔ جمال اور فاطمہ کی حفاظت کا ذمہ آپ اور اپنے قبیلے کو سونپ
رہی ہوں ۔۔۔ دشمن چالاک ہے بے بے ۔۔ بہت شاطر ہے کب وار کر جائے پتا نہیں
چلتا ۔۔۔۔ دیکھیں کس طرح بے خبری میں مجھے مات دے دی ۔۔۔ میرے اپنے کو میرے
خلاف کردیا ۔۔ میرے دشمنوں کی سف میں لا کھڑا کیا ۔۔۔۔ وعدہ کریں بے بے
میری بچی اور جمال کا ساتھ آپ اور پورا قبیلہ کبھی نہیں چھوڑے گا ۔۔۔۔
میں وعدہ کرتی ہوں اپنی آخری سانس تک ہم ان کی حفاظت کرینگے ۔۔ ہم کبھی ان
کا ساتھ نہیں چھوڑینگے ۔۔۔ مگر آپ کہاں جانے کی بات کر رہی ہیں ۔۔۔۔ آپ مکہ
مکرمہ لوٹ چلیں اپنے والد اپنے دادا کے پاس ۔۔۔۔
نہیں بے بے ۔۔۔۔۔ وہاں جاؤں گی تو بابا اور سردار بابا ضرور جمال سے
پوچھینگے اور ان کی غلط فہمی دور کرنے کی کوشش کرینگے ۔۔۔جو میں آہ قطعی
نہیں چاہتی ۔۔۔ میری انا میری خودداری گوارہ نہیں کرتی ۔۔۔ میری جنگ مجھے
خود لڑنا ہے بے بے ۔۔۔ یا تو میں اپنا کھویا مقام دوبارہ حاصل کر لونگی یا
پھر فنا ہوجاؤنگی ۔۔۔۔
یہ کہہ کر میں رکی نہیں تھی بجلی کی سی رفتار سے وہاں سے نکل گئی تھی ۔۔۔
صرف اس کمرے سے ہی نہیں اس محل نما بنگلے سے بھی شاید ہمیشہ کے لئے اور
باہر نکلتے ہی اُڑان بھری تھی نامعلوم منزل کی طرف ۔۔۔ زادُ راہ فقط ٹوٹے
دل کے ساتھ کچھ تھا بھی نہیں ۔۔۔ مگر اس بات سے بے خبر کہ دشمن تو یہی
چاہتا تھا ۔۔۔۔ مجھے تنہا کرنا اور پھر پیچھے سے وار کرنا ۔۔۔ اور اس نے
ایسا ہی کیا ۔۔۔ جب میں بے چین کسی بھٹکی ہوئی روح کی طرح محوِ پرواز تھی
۔۔۔۔ سندھ کے صحرائی علاقے تھر پر سے گزر رہی تھی تب میں نے ایک بچی کو جو
تقریباً فاطمی کی عمر کے لگ بھگ تھی کو دیکھا جو شاید پیاس کی شدت سے بے
حال تھی اور تقریباً نیم مردہ حالات میں تن تنہا صحرائی گرم ریت پر بے حس و
بے جان سی پڑی تھی ۔۔۔اس کے سر پر پانچ چھے گدھ منڈلا رہے تھے ۔۔۔۔ میں یہ
دیکھ کر تڑپ کر نیچے کی طرف اتر آئی تھی اس بچی کے قریب ۔۔۔ وہ بے سُد
اوندھے منہ پڑی تھی ۔۔۔ میں نے اس کی نبض چیک کرنے کے لئے اس کا سوکھا پتلا
سا ہاتھ اپنے ہاتھ میں لیا ہی تھا کہ اس بچی نے اپنا جسم ہلائے بغیر ہی
اپنی گردن گھما کر مجھے ایک عجیب پرسرار مسکراہٹ کے ساتھ دیکھا تھا ۔۔۔۔
اسکی آنکھوں میں سفید پتلیاں نہیں تھیں کالی عجیب اُبھرے ہوئے ڈلے تھے اور
چہرا انتہائی چھوٹا ۔۔۔۔ میں چونکی تھی اور مجھے شدید خطرے کا احساس ہوا
تھا اس لمحے ۔۔۔ مگر افسوس میرے سنبھلنے سے پہلے ہی کسی نے میرے سر پر
پیچھے سے کسی بھاری چیز سے وار کیا تھا اور میں وہیں پر ڈھیر ہوگئی تھی ۔۔۔
×××××××××××
باقی آئندہ ۔۔۔۔۔ |