تربیت کا اثر
(Muhammad Ameer Umar Farooq, Muzaffar garh)
| سو لفظوں کی کہانی |
|
| وہ ایک اجنبی تھا. تلاش معاش نے اسے بھٹکا
دیا تھا.شدید بھوک نے اسے ستا رکھا تھا.وہ ایک جھونپڑی کے پاس سے گزرا .آواز
لگا کر کھانا مانگا.جھونپڑی سے ایک عورت نکلی جس نے اس پر ترس کھاتے ہوئے
کھانا پیش کیا.اس نے ابھی نوالہ توڑا ہی نہ تھا کہ اس عورت کا خاوند آگیا
جس نے اسے برابھلا کہ کر بھگا دیا. آگے ایک اور جگہ پر اسے جھونپڑی دکھائی
دی.اس نے یہاں بھی وہی آواز لگائی .پھر ایک عورت باہر نکلی .اس نے اسے
برابھلا کہ کر چلے جانے کو کہا. وہ جانے ہی والا تھا کہ اس عورت کا خاوند
آگیا جس نے اپنی بیوی کو مہمان کی خاطر تواضع کرنے کو کہا. اجنبی نےخدا کی
قدرت پر حیران ہو کر سب واقعہ میزبان کو بتا دیا .میزبان نے مسکراتے ہوئے
جواب دیا وہ عورت میری بہن تھی جبکہ یہ عورت اس مرد کی بہن ہے .ہم نے آپس
میں رشتہ کیا ہوا ہے .مگر تیرے ساتھ جو سلوک ہوا ہے وہ دو مختلف خاندانوں
کی تربیت کا اثر ہے. |
|