ڈارک چاکلیٹ کے فوائد زیادہ نقصان کم

قارئین! اس سے پہلے میں سبزیو، پھلوں اور خشک میوہ جات پر مضامین لکھ چکا ہوں لیکن آج میرا مضمون ان سب سے ہٹ کر ہے۔ آج میں آپ کو ڈارک چاکلیٹ سے متعلق کچھ معلومات شئیر کروں گا امید کرتا ہوں کہ آپ کو ضرور فائدہ ہوگا۔
 

امریکہ میں کئی لوگوں پر تحقیق کی گئی اور یہ ثابت ہوا کہ ڈارک چاکلیٹ اچھے کولیسٹرول کی مقدار کو بڑھا دیتی ہے اس کے علاوہ یہ دل کے لئے بھی فائدہ مند ثابت ہوتی ہے۔ ذیابیطس کے مریضوں کے خون میں شوگر لیول بھی نارمل رہا ۔اس لئے کہا جا سکتا ہے کہ ڈارک چاکلیٹ دل اور ذیابیطس کے مریضوں کے لئے نہایت مفید ہے۔

کم از کم چاکلیٹ کا ایک پیس ہی استعمال کریں ۔چاکلیٹ کھانے والوں کا موڈ بھی اچھا رہتا ہے اور ان کا دن بھی خوشگوار گزرتا ہے۔

کوکو سب سے زیادہ تقریباً ستر فیصد ایوری کوسٹ اور گھانا میں کاشت کیا جاتا ہے لیکن اب ان ممالک میں موسمی تبدیلیوں کی وجہ سے یہاں اس کی کاشت میں کمی واقع ہو گئی ہے کہا جاتا ہے کہ آنے والے چند سالوں میں کوکو کی پیداوار میں بہت کمی واقع ہو جائے گی جس کی وجہ سے چاکلیٹ بننا بھی کم ہو جائے گی اسی وجہ سے آئے دن چاکلیٹ کی قیمتوں میں بھی اضافہ ہوتا جارہا ہے۔