Salman Nida Ki Maa Ki Bambaari
Ko Bhool Gia ,,,,Uss Ki Sochein Nida Kay Gerd Ghoomnay Laghein Thein,,Humaree
Society Nay Zindeghi Mushkil Bana Dee Thee ,,,,Jis Ghar Mein Charun Taraf
Ghurbat,Mayusee Aur Roz Ek Nai Azmaish Kay Dairay Thay Wahan Apni Chothee(4th
Decay) Dehaaiee Mein Dakhil Hu Janay Wali Larki Ju Bahut Jald Aurat Ban Janay
Wali Thee Wahan Shaadi Ek Bahut Bara Masla Bana Dee Gai Thee Iss Mein Zayda Hath
Bee Aurat Zaat Ka Tha Jabh Maa Huty Hay Tu Chand See Bahu Chaiye Behan Ko Bahi
Kay Liye Chand See Magar Bama Jahaiz Larki Chaiye Dewaraani Jithaani Ko Farman
Bardaar Kisam Ki Ghulaam Chaiye Hutee Hay Kha Wo Jahaiz Laye Na Laye Ju Un Sey
Zayda Khubsorat Naa Hu,,,Ju Serf Ji Ji Kay Alfaaz Jantee Hu Uss Ki Gardan Right
Left Kabi Harkat Naa Kartee Hu Ye Sab In Hee Aurtoun Kay Kamalaat Thay Shikaar
Bee Aurat Aur Shikaari Bee Aurat,,,,Wo Nida Ko Kiya Jawab Deta Loghun Nay Khaa
Pee Kay Uss Ki Ankhun Ko Khabhun Kay Hawalay Kar Kay Palat Kay Khabar Bee Naa Li
Kay Jin Ankhun Ko Khabh Dekhnay Ki Adat Hu Gai Hay Wo Kiss Haal Mein Hay,Pher
Dosra Waar Pher Teesra Waar Pher Baras Kay Baras Beet Jaein Apni Sahelion Aur
Reshtadarun Ki Shadion Mein Ja Ja Kay Ajeeb Ajeeb Batein Sun Kay Larki Ko Yaqeen
Hu Jata Hay Uss Mein Hee Koi Baree Kami Hay Werna Kasay Kasay Logh Shadi Kar Kay
Abaad Hu Gaye Pher Kabi Wo Sorat Kabi Seerat Kabi Ghurbat Kabi Maa Baap Aur Pher
Qismat Ko Dosh Denay Laghty Hay Magar Uss Ki Dourtee Hui Umar Nahi Ruk Kay Detee
Har Raat Har Subah Har Shaam Bas Ek Anjaan Saa Khuf Uss Kay Sath Chimat Jata Hay
Ju Uss Ki Ankhun Kay Gerd Halqay Balun Mein Safaedee Pichkay Huay Zard Gaal De
Kar Asa Bana Deta Hay Jsay Jawani Husan Dilkashi Naam Ki Cheseun Ka Uss Ki
Zindeghi Mein Guzar Hee Nahi Hua,,,,Pora Mashraa Asee Larkion Ka Mujrim Tha Aur
Iss Jurm Ko Haq,Lazmi,Zarori Aur Danaiee Samajh Lia Gia Tha.Nida Ka Har Shikwa
Baja Tha Iss Mein Koi Shaq Nahi Ghurbat Qismat Uss Ki Mamoli See Shakal Ka Koi
Qasoor Na Tha Bas Ye Sara Mashraa Hee Uss Ka Mujrim Tha Uss Ka Serf Ek Hee Jurm
Tha Wo Apni Marzee Kay Begher Hee Iss Mashray Mein Paida Hu Gai Thee Magar Ye
Bee Ek Haqiqat Hay Ek Piar Karnay Wala Shohar Chota Saa Ghar Ulaadh Aur Kuch
Maali Asodghi Uss Ko Qabool Sorat Say Ek Purkashish Larki Ya Aurat Mein Badal
Saktee Thee Iss Mein Koi Shaq Nahi Kay Agar Shohar Apni Saree Muhabat Bv Par
Nichawar Kar De Tu Wo Khud Ko Ghar Aur Ulaad Par Lutaa Detee Hay Uss Ka Sakoon
Shohar Ki Khidmat Mein Badal Jata Hay Uss Ki Mamta Bachun Par Bahaar Ki Barsaat
Ki Tra Barastee Hay,,,,,,,,,,,,Mein Khul Kay Jeena Chahtee Hun,,,,,,,,,,Bas Ek
Naram See Muhabat Mera Khabh Hay.(Jaree Hay)