کشمش٬ چھوٹا سا دانہ لیکن بڑے طبی فوائد کا مالک

عام طور پر ہمارے ہاں کشمش کا استعمال سویٹ ڈشز یعنی کسٹرڈ٬ حلوے یا کیک وغیرہ میں کیا جاتا ہے- لیکن کشمش کا ایک چھوٹا سا دانہ اپنے متعدد قیمی طبی فوائد لیے ہوئے ہوتا ہے اور اسے کسی چیز میں شامل کیے بغیر کھانا بھی انتہائی فائدہ مند ثابت ہوتا ہے- اسی وجہ سے کئی لوگ اس کے بہترین فوائد حاصل کرنے کے لیے کشمش کو روزانہ سادہ ہی کھا لیتے ہیں- کشمش آپ کو کتنے بڑے طبی فوائد پہنچا سکتی ہے؟ آلیے ہم آپ کو بتاتے ہیں:
 


خون کی کمی
کشمش میں وٹامن بی کمپلیکس اور آئرن کی بھاری مقدار پائی جاتی ہے- یہ دونوں اجزاﺀ خون کی کمی کو پورا کرنے میں انتہائی مددگار ثابت ہوتے ہیں- اس لیے خواتین اور نوجوان لڑکوں کو ضرور کشمش کو اپنی خوراک ضرور شامل کرنا چاہیے-


نظر کی بہتری
کشمش میں polyphenolic phytonutrients کی بھی بھاری مقدار پائی جاتی ہے اور یہ ایسے عناصر کو کم کرتے ہیں جو بینائی کو کمزور بنا رہے ہوتے ہیں- اس کے علاوہ کشمش میں وٹامن اے بھی پایا جاتا ہے جو کلر بلائنڈنس کے خلاف مزاحمت کرتا ہے- اگر آپ کو اپنی نظر کمزور ہوتی ہوئی محسوس ہو تو کشمش کو اپنی خوراک میں شامل کیجیے-


کینسر
جیسا کہ پہلے بھی بتایا گیا تھا کہ کشمش میں polyphenolic phytonutrients نامی کیمیکل بھی پایا جاتا ہے تو اس کیمیکل کا ایک حیران کن کام یہ بھی ہے کہ یہ جسم میں موجود چند آزادانہ ذرات کا خاتمہ کرتا ہے اور کینسر سے بچاتا ہے- یہ ذرات جسم میں بننے والے خراب خلیوں کی وجہ سے وجود میں آتے ہیں-


قبض
قبض کی بیماری عام پائی جاتی ہے جس کی بنیادی وجہ ہمارا غیر متوازن غذا کھانا ہے- لیکن کشمش قبض کا بہترین توڑ ہے- کشمش میں پایا جانے والا فائبر ناقابلِ تحلیل ہوتا ہے لیکن پانی کی موجودگی میں پھول جاتا ہے اور آنتوں میں نرمی پیدا کرنے اور ساتھ ہی قبض کو دور کرنے کے حوالے سے مددگار ثابت ہوتا ہے-


مضبوط ہڈیاں
چند چھوٹے چھوٹے غذائی اجزاﺀ ایسے بھی ہوتے ہیں جن کی ہمارے جسم کو بہت معمولی مقدار درکار ہوتی ہے لیکن یہ انتہائی اہم ہوتے ہیں- جیسے کہ Boron جو کہ کیلشیم کو جذب کرنے کے حوالے سے اہم ہے- اکثر لوگ متعدد کیلشیم سے بھرپور غذائیں استعمال کرتے ہیں لیکن پھر ان میں کیلشیم کی سطح کم ہوتی ہے اس کی وجہ یہی چھوٹے اجزاﺀ کی کمی ہے- اگر آپ دودھ کے ساتھ تھوڑی سی کشمش کھا لیں تو کیلشیم مکمل طور پر جذب ہوجائے گا اور آپ کی ہڈیوں کو مضبوطی فراہم کرے گا-


دانتوں کے مسائل
چند عام جراثیم ایسے ہوتے ہیں جو دانتوں کو خراب اور مسوڑھوں میں سوجن اور ان سے خون آنے کا باعث بنتے ہیں- لیکن کشمش میں ایسے اجزاﺀ پائے جاتے ہیں جو ان عام جراثیموں کے خلاف مزاحمت کرنے کے علاوہ دانتوں اور مسوڑھوں کی حفاظت کرتے ہیں- اس کے علاوہ کشمش میں کیلشیم بھی اتنی مقدار پائی جاتی ہے جو دانتوں کو مضبوطی فراہم کرسکتی ہے-


حاملہ خواتین
جیسے کہ کشمش میں بینائی اور ہڈیاں مضبوط بنانے کی صلاحیت موجود ہوتی ہے ویسے ہی یہ حاملہ خواتین کے لیے بھی انتہائی اہم ہے- حاملہ خواتین اگر کشمش کا استعمال کریں تو بچے کی ہڈیاں اور نظر کو مضبوط بنا سکتی ہیں-

Disclaimer: All information is provided here only for general health education. Please consult your health physician regarding any treatment of health issues.

Reviews & Comments

i like this kishmish very much agar main afford karo to daily khao ,very nice fruit.
By: azeem, paklahore on Nov, 25 2016
Reply Reply
0 Like
Language:    
Raisins or Kishmish are teeny tiny little packets of energy. Usually used to garnish sweet dishes and desserts; however, smart people consume them more often and they have good reasons to do so. Although they seem dry and boring, these minions of food are rich in nutrients and minerals, and benefit our bodies more than we can think. Here are a few things kishmish can be used for: