|
سو لفظوں کی کہانی۔۔۔مردم شماری
۔۔۔۔۔۔۔۔۔۔۔۔۔۔
مردم شماری والے نے پوچھا،
" زیر کفالت بچے کتنے ہیں؟"
میں نے بتایا،
" چار"
"تین بیٹے ایک بیٹی"
اُس نے پھر پوچھا،
"آپ کیا کرتے ہیں؟"
میں نے بتایا،
" سیاست"
وہ مطمئن نہیں ہوا،
"کیا یہ فلیٹ آپ کا اپنا ہے؟"
"نہیں! قطریوں کا ہے"
"کیا مطلب؟"
"مطلب ،قطریوں کا ہے"
میں اپنے بیان پر ڈٹا رہا،
اس باررینجرز کا سپاہی بولا،
" آپ کو پتہ ہے غلط بیانی کی سزا ہے"
"اس سے پہلے کس کو ملی ہے"
میں نے بلا خوف جواب دیا،
مردم شماری والے نے فارم لپیٹا اور چلتا بنا،
جیسے فیصلہ محفوظ کر لیا ہو۔ |