|
انٹرنیٹ کے اس دور میں ہم آج جس بھی چیز یا شخصیت کے بارے
میں جاننا چاہتے ہیں فوراً گوگل سرچ کا سہارا لیتے ہیں- تاہم کیا آپ یہ
جانتے ہیں کہ ایک مشہور پاکستانی شخصیت سمیت دنیا کی چند مشہور شخصیات کو
گوگل پر سرچ کرنا آپ کے لیے خطرناک بھی ثابت ہوسکتا ہے؟
|
|
|
|
جی ہاں حال ہی میں ایک سائبر سیکورٹی کمپنی کی جانب سے ایک ایسی فہرست جاری
کی گئی ہے جس کے مطابق دنیا کی چند مشہور شخصیات کو گوگل پر سرچ کرنے کے
دوران خطرناک وائرس آپ کے اسمارٹ فون یا لیپ ٹاپ میں منتقل ہوسکتے ہیں-
آن لائن سرچنگ کے حوالےسے یہ فہرست سائبر سیکیورٹی کمپنی میکافی (McAfee)
کی جاری کردہ ہے اور اس میں دنیا کی دس مشہور شخصیات کو آن لائن سرچ کے
حوالے سے خطرناک قرار دیا گیا ہے-
اس فہرست میں سب سے خطرناک شخصیت معروف کینیڈین گلوگارہ اور نغمہ نگار
اوریل لاوین کو قرار دیا گیا ہے- سائبر سیکورٹی کمپنی کا کہنا ہے کہ اس وقت
آپ کے کمپیوٹر یا وائرس منتقل ہونے کے امکانات سب سے زیادہ ہوتے ہیں جب آپ
اوریل لاوین کو آن لائن سرچ کرتے ہیں-
|
|
|
اس فہرست میں موجود دیگر مشہور شخصیات میں 10 ویں نمبر پر گلوکارہ بیونسے٬
9 ویں نمبر پر کیٹی پیری٬ امریکی ریپیر سین جان کومبس المعروف پف ڈیڈی 8
ویں پر٬ 7ویں نمبر پر جسٹن بیبر ٬ 6ویں پوزیشن پر ڈی جے اور گلوکار کالوین
ہیرس٬ 5ویں نمبر پر کینیڈین گلوکارہ سیلین ڈیون٬ چوتھے نمبر پر پاکستانی
نژاد برطانوی گلوکار زین ملک٬ تیسری پوزیشن پر کینیڈین گلوکار اور نغمہ
نگار کارلے ری جیسپن اور سیکنڈ پوزیشن امریکی گلوکار برونو مارش کی ہے- |