کراچی میں اسکول کی وین الٹ گئی، 5 طالب علم زخمی۔
تفصیلات کے مطابق بلوچ کالونی پل کے قریب اسکول کی وین تیز رفتاری کے باعث بے قابو ہو کر الٹ گئی، حادثے کے نتیجے میں 5 طالبِ علم زخمی ہوئے ہیں۔
ذرائع کے مطابق حادثے کے فوری بعد تمام زخمی بچے اپنی مدد آپ کے تحت جناح اسپتال گئے جہاں انہیں طبی امداد فراہم کی گئی۔
پولیس کی جانب سے حادثے کا شکار ہونے والی وین کو سڑک سے ہٹا کے ٹریفک کو بحال کر دیا گیا ہے۔
واضح رہے کہ ملک بھر کی طرح کراچی میں بھی آج سے نویں جماعت سے 12 ویں جماعت تک کے طلبا و طالبات کے لیے تعلیمی سلسلے کا آغاز ہو گیا ہے ۔