کراچی میں آٹے کی قیمتوں میں مسلسل اضافہ جاری ہے جہاں گزشتہ ایک ماہ کے دوران فائن اور ڈھائی نمبر آٹے کی قیمت میں 13 روپے فی کلو تک اضافہ ریکارڈ کیا گیا ہے۔
چیئرمین فلور ملز ایسوسی ایشن جنید عزیز کے مطابق 15 روز میں گندم کی قیمت دو بار بڑھنے سے آٹے کی قیمتوں میں اضافہ ہوا۔ ڈھائی نمبر آٹا 119 روپے سے بڑھ کر 132 روپے فی کلو جبکہ فائن آٹے کی قیمت 140 روپے فی کلو سے تجاوز کر گئی ہے۔
ان کا کہنا تھا کہ گندم کی قیمت 106 روپے سے بڑھ کر 118 روپے فی کلو ہو چکی ہے اور ہمارے اندازے کے مطابق حکومت کو گندم امپورٹ کرنے پڑے گی تاہم ملکی ضرورت کے مطابق اتنی ہی گندم امپورٹ کی جائے جتنی ضرورت ہے ورنہ کسان کو نقصان ہوگا۔کراچی میں موسم گرما میں مابانہ 20 سے 22 لاکھ بوری آٹا استعمال ہوتا ہے جبکہ موسم سرما میں یہ استعمال 26 لاکھ تک پہنچ جاتا ہے۔