کراچی میں کورونا کا پھیلاؤ دن بہ دن بڑھتا جا رہا ہے ، اسی وجہ سے طبی ماہرین نے سندھ حکومت سے درخواست کی ہے کہ شہر میں 2 ہفتے کا مکمل لاک ڈاؤن لگا دیا جائے جس میں انٹر سٹی، انٹرا سٹی ٹرانسپورٹ پر پابندی کی تجویز دی ہے۔
حاصل کردہ تفصیلات کے مطابق شہر میں لاک ڈاؤن لگانے کا فیصلہ آج وزیراعلیٰ ہاؤس میں ہونے والے اجلاس میں ہوگا مزید یہ کہ اس اجلاس میں سخت فیصلے ہونا بھی متوقع ہیں۔
صوبائی کورونا ٹاسک فورس کا اجلاس آج وزیراعلیٰ ہاؤس میں کیا جائے گا جس میں ڈی جی رینجرز سندھ، تمام سیاسی پارٹیوں کے پارلیمانی لیڈر ز، طبی ماہرین اور پی ایم اے کے نمائندے شریک ہوں گے ۔ اس اجلاس کی صدارت وزیراعلیٰ سندھ مراد علی شاہ کریں گے۔
صرف یہی نہیں طبی ماہرین نے انٹر سٹی اور انٹرا سٹی بسوں کے علاوں تمام تعلیمی ادارے اور تمام تعلیمی سرگرمیاں بھی 2 ہفتے کیلئے مکمل بند کر دی جائیں۔