چند دن پہلے وزیر اعلیٰ سندھ سید مراد علی شاہ کی جانب سے کہا گیا تھا کہ سندھ بھر کے اسکول اور کالجوں کو تا حکم ثانی بند رکھا جائے گا۔
جبکہ پرائیویٹ اسکولز ایسوسی ایشن نے اس اعلان کو مسترد کر دیا تھا۔ تاہم آج وزیر تعلیم سندھ نے پرائیویٹ اسکولز ایسوسی ایشن کے نمائندوں سے ملاقات میں اسکول کھولنے کی تاریخ کا اعلان کردیا۔
رپورٹ کے مطابق سندھ بھر میں اسکولوں اور کالجوں کو 30 اگست سے کھولنے کی اجازت مل گئی ہے۔ تاہم یہ اجازت کورونا وائرس کی شرح کم ہونے سے مشروط ہے۔
وزیر تعلیم سندھ کا کہنا تھا کہ کورونا وائرس کی وجہ سے والدین اور بچوں کو مسائل کو سامنا رہا۔ ان کا مزید کہنا تھا کہ اسکول چھ دن کھولے جائیں گے۔ اور 30 اگست سے پہلے اسکولز کھلنے پر پابندی ہوگی۔
ذرائع کے مطابق پرائیویٹ اسکولز کے تمام عملے کی ویکسینیشن رپورٹ جمع کرانے کے پابند ہونگے۔