آج شام کرکٹ ورلڈ کپ کی دنیا کا ایک اہم میدان سجنے والا ہے، ایک طرف حوصلے و عزائم سے بھرپور پاکستانی ٹیم تو دوسری طرف آسٹریلیا کی مضبوط ٹیم۔ لیکن آج کا میچ خصوصاً پاکستانی شائقین اور کرکٹ ٹیم کے لئے ایک اہم تاریخی میچ ہے۔
آج سے قبل پاکستان ورلڈ کپ سیمی فائنل میں 11 مرتبہ آچکا ہے اور اب اس مرتبہ اتفاق کی بات یہ ہے کہ آج گیارھویں مہینے کی گیارہ تاریخ ہے اور 11 کھلاڑی میدان میں اترنے والے ہیں، اب دیکھنا یہ ہے کہ آج جیت پاکستانی شاہین سمیٹتے ہیں یا پھر آسٹریلیا کے کینگرو، فیصلہ کن میچ آج شام کھیلا جائے گا۔
سوشل میڈیا پر شائقین اس حوالے سے بہت زیادہ سرگرم ہیں اور پاکستان کی جیت کے لئے دعائیں کی جا رہی ہیں چونکہ ورلڈ کپ شروع ہونے سے قبل پاکستان کو سب سے ہلکی ٹیم کے طور پر سمجھا جا رہا تھا البتہ اب پاکستان ہر کسی کی فیورٹ ٹیم بن گئی ہے۔