گزشتہ زور پاکستان اور ویسٹ انڈیز کے درمیان پہلے ٹی 20 میچ میں گراؤنڈ میں شایقین کی کم تعداد پر وفاقی وزیر اسد عمر نے بھی افسوس کا اظہار کر دیا۔
نیشنل اسٹیڈیم کراچی میں ہونے پہلے میچ میں تماشائیوں کی کم تعداد کو دیکھ کر اسد عمر کا کہنا تھا کہ آج اسٹیڈیم خالی ہے، پہلے جگہ نہیں ہوتی تھی۔ مزید کہا کہ نوجوان کو کہتا ہوں وہ میچ دیکھنے ضرور آئیں۔
وفاقی وزیر نے زمیز راجہ سے درخواست کرتے ہوئے کہا کہ اسٹیڈیم میں اسٹوڈنٹس کیلئے انٹری فری کر دینی چاہیے۔ انہوں نے کہا کہ یہ وقت پیسے کمانے کا نہیں ہے۔
واضح رہے کہ پاکستان اور ویسٹ انڈیز کے درمیان، 3 ٹی 20 میچز کراچی میں کھیلے جائیں گے، جہاں حکومت کی جانب سے اسٹیڈیم میں 100 فیصد شایقین کی آنے کی اجازت ہے۔