سوتن کا رشتہ عام طور پر حسد، رقابت سے بھرپور سمجھا جاتا ہے لیکن خیبر پختونخواہ میں اس رشتے سے جڑی دو خواتین نے بھائی چارے اور اتحاد کی ایسی فضا قائم کردی ہے جس نے سب کو حیران کردیا ہے۔
مردان سے تعلق رکھنے والے اشفاق حسین کی دونوں اہلیہ کو ان کے نام کے بجائے زوجہ اول اور زوجہ دوم کے نام سے الیکشن میں متعارف کروایا گیا ہے۔
یہ دونوں سوتنیں ملکر بلدیاتی انتخاب میں حصہ لینے کے لئے مہم چلا رہی ہیں۔ ایک زوجہ یونین کونسلر جب کہ دوسری زوجہ خواتین کے لئے مختص نشست سے الیکشن میں حصہ لے رہی ہیں۔ ان کے شوہر اشفاق حسین بھی اپنی دونوں بیگمات کے لئے آس پاس کے لوگوں کو ووٹ کے لئے قائل کرتے ہیں۔ ان کی دعا ہے کہ “میری دونوں بیویاں الیکشن میں جیت جائیں“