سردیاں آتے ہی عوام کا رحجان ان غذائوں کی جانب ہو جاتا ہے جس سے جسم میں گرمائش پیدا ہو اور ٹھنڈ کم لگے تو بلکل اسی طرح ٹھنڈ کا بہترین توڑ سامنے آگیا ہے۔
ہم یہاں بات کر رہے ہیں زعفرانی دودھ کی، یہ صرف ٹھند ہی نہیں بھگاتا بلکہ جوڑوں کے درد، بلڈ پریشر، دل کے امراض اور جسم کو طاقت پہنچانے کیلئے بھی بہترین مانا جاتا ہے۔
اب بات کرتے ہیں کہ یہ مفید زعفرانی دودھ بنتا کیسے ہے اور کس جگہ ملتا ہے؟ یہ مشہور زمانہ دودھ کراچی کےعلاقے واٹر پمپ پر ملتا ہے جس سے کراچی کا بچہ بچہ واقف ہے۔
مزید یہ کہ اس دودھ کی تیاری میں سب سے پہلے دودھ کو اچھے سے کئی گھنٹے تک گرم کیا جاتا ہے پھر اس میں اصل زعفران، بادام،پستہ اور الائچی کوٹ کر شامل کیا جاتا ہے۔
یہ تمام چیزیں گرینڈر میں گریند کر کے یا پھر کوٹ کر اس دودھ میں شامل کیں جاتی ہیں۔
پورے ملک میں شہر قائد کی اس مشہور دوکان کے مالک کا کہنا ہے کہ اس میں ہم ایک چیز بھی 2 نمبر یا جعلی استعمال نہیں کرتے یہی وجہ ہے کہ آج کئی سال گزر جانے کے بعد بھی لوگوں کا ہم پر اعتماد بنا ہوا اور وہ دور دور سے یہ زعفرانی دودھ پینے آتے ہیں۔