ہر نیا سال لوگوں کے لئے امیدیں لے کر آتا ہے لیکن پاکستان میں آتش بازی کی وجہ سے ہر سال کئی لوگ زخمی تو کچھ موت کے منہ میں چلے جاتے ہیں ۔
اس سال سال نو کے آغاز میں ملک کے مختلف شہروں کراچی، لاہور، اسلام آباد، کوئٹہ اور راولپنڈی وغیرہ میں رات بھر نئے سال کا جشن منایا جاتا رہا جس کی وجہ سے ٹریفک جام رہا اور لوگوں کو مشکلات کا سامنا بھی کرنا پڑا۔
کراچی میں آتش بازی کی وجہ سے مختلف علاقوں میں 18 افراد زخمی ہوئے جن میں سے خواجہ اجمیر نگری سے تعلق رکھنے والا 11 سالہ بچہ دوران علاج انتقال کرگیا۔