شہر کراچی میں آج بارش کے ساتھ اولے پڑنے کا امکان بھی ظاہر کیا جا رہا ہے۔ کراچی پہلے ہی سردی کی لپیٹ میں ہے بارشوں سے سردی میں مزید اضافہ ہوسکتا ہے۔
ماہر موسمیات جواد میمن کے مطابق کراچی میں آج سے شروع ہونے والی بارشوں کے دوران 20 سے 30 فیصد اولے پڑنے کا امکان ہے۔
انہوں نے مزید کہا ہے کہ جب موسم ٹھنڈا ہوتا ہے تو آبی بخارات جم کر اولے کی شکل اختیار کرلیتے ہیں، شہر میں آخری بار اولے 18 دسمبر 2017ء کو پڑے تھے۔
انہوں نے بتایا کہ اس سسٹم کے تحت کراچی میں آج شام یا رات سے گرج چمک کے ساتھ بارش کا امکان ہے، اس دوران تیز سرد ہوائیں بھی چل سکتی ہیں۔