اگر میں مری جا کر توجہ نہ دیتا تو 22 کے بجائے 40 لوگ مر جاتے ۔۔ شیخ رشید

شیخ رشید نے راولپنڈی میں میڈیا سے گفتگو کرتے ہوئے کہا کہ میں اگر مری نہیں جاتا تو 22 کے بجائے 40 لوگ مر جاتے۔ ہم نے مری میں کام کیا ہے راتوں کو 3, 3 بجے تک واپس آتے تھے۔ لوگ مری جانے سے اب بھی باز نہیں آرہے۔ ہم کوشش کر رہے ہیں کہ آگے کبھی ایسا نہ ہو اس طرح کے حالات رونما نہ ہوں۔ شیخ رشید کا یہ بھی کہنا تھا کہ مری میں رینجرز کو اس لیے طلب کیا کیونکہ کوئی پولیس کی بات نہیں سن رہا تھا۔ فی الحال حالات قابو میں ہیں۔ عوام کی بھلائی کے لیے کام جاری رہیں گے۔ اپوزیشن کچھ بھی کرلے عمران خان اپنے 5 سال پورے کریں گے ۔ شہباز شریف کو عمران خان کے لیے ڈراونا نہیں سہانا خواب قرار دیتے ہوئے کہا کہ یہ بزدلوں کا گروہ ہے جو پیسے بنانے کے لیے سیاست کرتے رہے ہیں۔