کچھ دن پہلے دلہا بنے نوجوان شاہ رخ کو قتل کرنے والے شخص فرزند نے بھی خودکشی کرلی لیکن مرنے سے پہلے وہ کیا کرتا رہا اس حوالے سے آنے والی خبروں نے لوگوں کو حیرت میں ڈال دیا ہے۔
جیو نیوز کے مطابق شاہ رخ کو قتل کرنے کے بعد فرزند اپنا حلیہ مکمل طور پر تبدیل کرکے اپنے دوست عمران کے ساتھ اسلحہ خریدنے صدر مارکیٹ گیا۔ دکان کی سی سی ٹی وی فوٹیج تفتیشی ٹیم نے حاصل کرلی ہے۔
مجرم کا نام علی فرزند جعفری تھا اور وہ خود بھی شعبہ انویسٹی گیشن پولیس کا سپاہی تھا۔ واردات کے بعد جب پولیس نے گلشن اقبال بلاک 7 میں ایک ریسٹورنٹ پر چھاپہ مارا تو پولیس کو دیکھتے ہی فرزند نے اپنا پستول نکال کر کنپٹی پر خود کو گولی مار کر خودکشی کرلی۔